দেশৰ প্ৰধান গৱেষণা প্ৰতিষ্ঠানসমূহৰ বিজ্ঞানীসকলক চলিত বৰ্ষত এতিয়ালৈকে কোনো ধন প্ৰদান কৰা হোৱা নাই (Scientists from research institutes in the country have not been given money)। এই ধনৰাশি প্ৰতিবছৰে এপ্ৰিল মাহত প্ৰদান কৰা হয়। আনকি বিত্তীয় বৰ্ষৰ প্ৰথম ত্ৰৈমাসিক শেষ হৈ দ্বিতীয় ত্ৰৈমাসিক আৰম্ভ হোৱাৰ সময়তো দেশৰ বিশিষ্ট বিজ্ঞানীসকল এতিয়াও মোডী চৰকাৰৰ দ্বাৰা অৱহেলিত (Eminent scientists neglected by Modi govt.) হৈ আছে।
গৱেষণাৰ ওপৰত গুৰুত্ব আৰোপ কৰিবলৈ কেন্দ্ৰীয় চৰকাৰে ৰাষ্ট্ৰীয় গৱেষণা ন্যাস গঠন কৰাৰ প্ৰতিশ্ৰুতি দিছে। অৱশ্যে তাতো কোনো অগ্ৰগতি লাভ কৰা নাই। কেন্দ্ৰীয় চৰকাৰৰ অধীনত বিজ্ঞান আৰু প্ৰযুক্তিবিদ্যা আৰু জৈৱ প্ৰযুক্তি বিভাগৰ সৈতে কাম কৰা বিজ্ঞানীসকলে এই সমস্যাৰ সন্মুখীন হʼবলগীয়া হয়।
কেন্দ্ৰীয় চৰকাৰে বিজ্ঞানী আৰু গৱেষকক ধন দিয়াৰ প্ৰক্ৰিয়া সলনি কৰিছে। শূন্য বেলেঞ্চ থকা বেংক একাউণ্ট খুলিবলৈ কোৱা হৈছে। তাত লেনদেন হ’লে টকা আহিব। এই গাইডলাইন আইআইটি, আইআইএছচিৰ বিজ্ঞানীসকলৰ বাবে জাৰি কৰা হৈছে। বানাৰস হিন্দু বিশ্ববিদ্যালয়ৰ বিজ্ঞানী এছ চি লখোটিয়াই সংবাদ মাধ্যমৰ আগত কয় যে তেওঁ ২০২২ চনৰ মাৰ্চ মাহত শেষবাৰৰ বাবে এই অনুদান লাভ কৰিছিল।
এছ চি লখোটিয়াৰ মতে, কেন্দ্ৰীয় চৰকাৰে তেওঁলোকক জনাইছে যে সকলো প্ৰকল্পৰ একাউণ্ট সম্পূৰ্ণ নোহোৱালৈকে কোনো ধৰণৰ ধন পৰিশোধ কৰা নহʼব। এছ চি লখোটিয়াই ব্যক্তিগত ধনৰ পৰাই প্ৰকল্পটো চলাব লাগিব বুলি কয়। আইআইটিৰ গৱেষকৰ এটা অংশই দাবী কৰিছে যে তেওঁলোকক শেষবাৰৰ বাবে ২০২০ চনত দৰমহা দিয়া হৈছিল। তেওঁৰ মতে, বিজ্ঞান আৰু প্ৰযুক্তি বিভাগে কয় যে সকলো তেওঁলোকৰ হাতত নাই।
এছ চি লখোটিয়া আৰু বানাৰস হিন্দু বিশ্ববিদ্যালয়ৰ অন্যান্য বিজ্ঞানীসকলেও ২০২৩ চনৰ মাৰ্চ পৰ্যন্ত এই কামৰ বাবে ব্যৱহাৰৰ প্ৰমাণ পত্ৰ দাখিল কৰিছে। তাৰ পিছতো ধন কিয় লাভ কৰা নাই তাৰ ওপৰত প্ৰশ্ন উত্থাপন হৈছে। বিজ্ঞানীসকলৰ মতে, যদিও মাৰ্চ মাহত ধন লাভ কৰিছিল, কিন্তু এপ্ৰিল মাহৰ পৰা আৰু কোনো ধন দিয়া হোৱা নাই।
এই সন্দৰ্ভত মুখ্য বৈজ্ঞানিক উপদেষ্টাৰ কার্যালয়ৰ প্রাক্তন বিষয়া শৈলেজা বাইৰা গুপ্তাই কয়, “ভাৰতীয় বিজ্ঞান এই মুহূর্তত স্থবিৰ হৈ আছে। কোনো ধৰণৰ ধন দিয়া হোৱা নাই আৰু কোনেও কর্তৃপক্ষৰ লগত তর্ক কৰিব নিবিচাৰে। ভাৰতীয় বিজ্ঞানৰ অৱস্থা বৰ্তমান আটাইতকৈ বেয়া।”
আনহাতে, কংগ্ৰেছ সভাপতি মল্লিকাৰ্জুন খাৰ্গেয়ে এই সন্দৰ্ভত এক বিবৃতি প্ৰকাশ কৰি কৈছে, “মোডী চৰকাৰে দেশৰ বৈজ্ঞানিক গৱেষণা সমাপ্ত কৰিবলৈ চেষ্টা কৰিছে। যিসময়ত চৰকাৰে ৰাষ্ট্ৰীয় গৱেষণা ন্যাস ফাউণ্ডেচন গঠনৰ উদ্দেশ্য প্ৰকাশ কৰিছে, সেই সময়ত তিনিমাহৰ বাবে কোনো ধন দিয়া হোৱা নাই। ব্যক্তিগত বিনিয়োগ আদৰণীয়, কিন্তু চৰকাৰী বিনিয়োগ বন্ধ হ’ব নালাগে। ২০২৩ বৰ্ষৰ বাজেটত বিজ্ঞান গৱেষণা খণ্ডৰ বাজেট আবণ্টন ৬.৮৭ শতাংশ হ্ৰাস কৰা হৈছে।
