পুৰণি লাহৰিজানত আৰক্ষী (Lahorijan police)ৰ অভিযানত জব্দ বুজন পৰিমাণৰ নিষিদ্ধ কানি (Narcotics seized)। এই ঘটনাত আৰক্ষীৰ এজন লোকক আটক।
শনিবাৰে ডিলাই থানাৰ অধীনস্থ পুৰণি লাহৰিজান আৰক্ষী চকীৰ অধীনস্থ ছয় মাইলত আৰক্ষীয়ে এক তালাচী অভিযান চলায়। এই অভিযানত মণিপুৰৰ দিশৰ পৰা ৰাজস্থান অভিমুখী GJ-02-DP-7022 পঞ্জীয়ন নম্বৰৰ টাটা হেৰিয়াৰ বাহনখনত তালাচী চলায়।
তালাচীৰ সময়ত চালকৰ আসনৰ তলৰ পৰা আৰক্ষীয়ে নিষিদ্ধ কানিখিনি উদ্ধাৰ কৰে। ১০টা পেকেটত প্ৰায় ৯.৮০৩ কেজি নিষিদ্ধ কানি জব্দ কৰে। ঘটনাৰ সৈতে জড়িত থকাৰ অভিযোগত গুজৰাটৰ মেহছানা জিলাৰ ববালীপুল মায়া বজাৰ অঞ্চলৰ মাংগিলালৰ পুত্ৰ জগদীশ ৰাম নামৰ লোকজনক আৰক্ষীয়ে আটক কৰি ঘটনাটোৰ তদন্ত অব্যাহত ৰাখিছে।
