অসম-মেঘালয় (Assam-Meghalaya)ৰ মাজত চলি থকা সীমা সমস্যা (Border issue)ৰ স্থায়ী সমাধানৰ বাবে দুই ৰাজ্যৰ (of two states) প্ৰতিনিধিৰ গুৰুত্বপূৰ্ণ বৈঠক (Important meeting)। পশ্চিম কাৰ্বি আংলঙৰ তাপাতত দুয়োখন ৰাজ্যৰ প্ৰতিনিধি আৰু প্ৰশাসনৰ মাজত এই বৈঠক অনুষ্ঠিত হয়।
বৈঠকত মেঘালয় চৰকাৰক প্ৰতিনিধিত্ব কৰে উপ-মুখ্যমন্ত্ৰী স্নিয়াউভালাঙ ধাৰে আনহাতে, অসম চৰকাৰক প্ৰতিনিধিত্ব কৰে অসম সচিবালয়ৰ অতিৰিক্ত মুখ সচিব অজয় তিৱাৰী, পৰিষদৰ মুখ্য কাৰ্যবাহী সদস্য তুলিৰাম ৰংহাং, ডিফু সংসদীয় সমষ্টিৰ সাংসদ অমৰ ছিং তিছ’ৰ লগতে পৰিষদৰ বিষয়ববীয়া তথা দুয়োপক্ষৰ প্ৰশাসনিক বিষয়াসকল।
উল্লেখযোগ্য যে বছৰ বছৰ ধৰি মেঘালয়ৰ পৰা হৈ থকা আগ্ৰাসনৰ বাবে অসম-মেঘালয় সীমান্তৰ অঞ্চলসমূহত মাজে মাজে বিবাদৰ সৃষ্টি হৈ আহিছে। এই উত্তেজনাপূৰ্ণ পৰিস্থিতিৰ স্থায়ী সমাধানৰ লগতে দুয়োখন ৰাজ্যৰ মাজত যাতে ভাতৃত্ববোধৰ সম্পৰ্ক গঢ়ি তুলিব পাৰি সেই লক্ষ্য আগত ৰাখি এই বৈঠকৰ আয়োজন কৰা হয়।
আলোচনাৰ অন্তত প্ৰতিনিধিসকলে দুয়োখন ৰাজ্যৰ মাজত কোনো ধৰণৰ সীমাবিবাদ নাই বুলি প্ৰকাশ কৰে।আনহাতে, ১৯৫১ চনৰ পৰা কাৰ্বি আংলঙৰ সীমান্ত এলেকাসমূহ চিহ্নিত কৰা হৈছে আৰু কাৰ্বি আংলঙৰ মাটি কোনো কাৰণতে এৰি দিয়া ন’হব বুলি তুলিৰাম ৰংহাঙে মন্তব্য কৰে।
