দেশৰ প্ৰধানমন্ত্ৰী নৰেন্দ্ৰ মোদীৰ নেতৃত্বত (Modi’s leadership) কেন্দ্ৰৰ এনডিএ চৰকাৰৰ ১২ বছৰ সম্পূৰ্ণ (12 years complete) হোৱা উপলক্ষে কাৰ্বি আংলং জিলাৰ ডিফু (Diphu)ৰ ছাৰচিং তেৰন (লাংকুং হাবে) টাউন হলত এক জন কল্যাণ শিবিৰৰ আয়োজন (Organizing a public welfare camp) কৰা হয়। “মোদী চৰকাৰৰ বিশ্বাস, উন্নয়ন আৰু জনকল্যাণৰ ১২ বছৰ” সফলতাৰে পূৰ্ণ হোৱা উপলক্ষে দেশজুৰি ৰূপায়ণ কৰা বিভিন্ন কাৰ্যসূচীৰ অংশ স্বৰূপে এই অনুষ্ঠানৰ আয়োজন কৰা হয় ।
বন্দে মাতৰম পৰিবেশন আৰু বন্তি প্ৰজ্বলনেৰে শুভাৰম্ভ হোৱা এই জন কল্যাণ শিবিৰত কাৰ্বি আংলং স্বায়ত্তশাসিত পৰিষদৰ মুখ্য কাৰ্যবাহী সদস্য তথা ৰংখাং বিধানসভা সমষ্টিৰ বিধায়ক ডঃ তুলিৰাম ৰংহাং মুখ্য অতিথি হিচাপে উপস্থিত থাকে।
অনুষ্ঠানত উপস্থিত থাকি তুলিৰাহ ৰংহাঙে প্ৰধানমন্ত্ৰী মোদীৰ নেতৃত্বত এনডিএ চৰকাৰৰ ১২ বছৰীয়া শাসনকালত পাহাৰীয়া জিলাখনতো বিভিন্ন জনকল্যাণমূলক আঁচনিৰ ৰূপায়ণৰ জৰিয়তে আন্তঃগাঁথনিৰ উন্নত হোৱা বুলি উল্লেখ কৰি চৰকাৰৰ বিভিন্ন জন কল্যাণমূলক আঁচনিৰ খতিয়ান দাঙি ধৰে।
তেওঁ উন্নয়নৰ খতিয়ান দাঙি ধৰি কয় যে প্ৰধানমন্ত্ৰী মোদীৰ আমোলত ডিফুত উত্তৰ-পূৰ্বাঞ্চলৰ ভিতৰতে পোন প্ৰথমবাৰৰ বাবে ছিন্থেটিক ট্ৰেকযুক্ত ষ্টেডিয়াম নিৰ্মাণৰ লগতে কেন্দ্ৰ আৰু ৰাজ্য চৰকাৰে জিলাখনৰ ৬টাকৈ বিদ্ৰোহী সংগঠনৰ সৈতে শান্তি চুক্তি স্বাক্ষৰ কৰিছে । এই ডাঙৰ উপহাৰৰ বাবে মুখ্য কাৰ্যবাহী সদস্য ৰংহাঙে প্ৰধানমন্ত্ৰী আৰু মুখ্যমন্ত্ৰীক কৃতজ্ঞতা জ্ঞাপন কৰে। এই জন কল্যাণ শিবিৰত ডিফু লোকসভা সমষ্টিৰ সাংসদ অমৰছিং টিছ’, বিধায়কদ্বয় ক্রমে ডিফু সমষ্টিৰ নিছ’ তেৰাংপী আৰু ডাঃ হাবে টেৰণ, কাৰ্বি আংলং স্বায়ত্তশাসিত পৰিষদৰ উপাধ্যক্ষ অভিজিত ক্র, কাৰ্যবাহী সদস্য ৰিচাৰ্চ টকবি, জিলা আয়ুক্ত আৰণ্যক শইকীয়াই, পৰিষদৰ সদস্য জনি তিমুং, হেডছিং ৰংফাৰ আৰু লুম্বাজং উন্নয়ন খণ্ডৰ বিষয়া-কৰ্মচাৰীসকল উপস্থিত থাকে।
