নাগালেণ্ডত (Nagaland) বিষাক্ত সুৰা সেৱনৰ (Drinking poisonous alcohol) ফলত কমেও ১৯ জন লোকৰ কৰুণ মৃত্যুৰ (Death of 19 people) ঘটনাই ৰাজ্যজুৰি গভীৰ শোক আৰু তীব্ৰ চাঞ্চল্য বিয়পাইছে। উৎসৱ আৰু দৈনন্দিন জীৱনৰ স্বাভাৱিক ছন্দৰ মাজত এক সম্পূৰ্ণ অন্ধকাৰ নামি আহিছে। সংবাদ সংস্থা পিটিআইৰ তথ্য অনুসৰি, স্থানীয়ভাৱে মজুত বা প্ৰস্তুত কৰা বিষাক্ত সুৰা সেৱন কৰি বহু লোক হঠাতে গুৰুতৰভাৱে অসুস্থ হ’বলৈ আৰম্ভ কৰে। যেতিয়া তেওঁলোকে অসহ্যকৰ পেটৰ বিষ, বমি আৰু দৃষ্টিশক্তি ম্লান হোৱাৰ দৰে গুৰুতৰ লক্ষণ অনুভৱ কৰে তেতিয়া তেওঁলোকক ততাতৈয়াকৈ ওচৰৰ চিকিৎসালয়লৈ লৈ যোৱা হয়। কিন্তু চিকিৎসকৰ সকলো প্ৰচেষ্টা ব্যৰ্থ হৈ ১৯ জন লোক এজন এজনকৈ মৃত্যুৰ মুখত পৰে।
একে সময়তে ইমানবোৰ সতেজ জীৱনৰ অকাল মৃত্যুৰ বাবে সমগ্ৰ অঞ্চলটো শোকত ভাগি পৰিছে। মৃতকৰ ঘৰবোৰ এতিয়া শোকসন্তপ্ত আত্মীয়ৰ কান্দোনেৰে ভৰি পৰিছে। পৰিয়ালত একমাত্ৰ উপাৰ্জনকাৰীক হেৰুৱাই বহুতে সম্পূৰ্ণৰূপে বিচলিত হৈ পৰিছে। জানিব পৰা মতে, এতিয়াও সংকটজনক অৱস্থাত কেইবাজনো লোক চিকিৎসালয়ত চিকিৎসাধীন হৈ আছে, যাৰ বাবে মৃতকৰ সংখ্যা আৰু বৃদ্ধি পাব পাৰে নেকি সেই বিষয়ে সাধাৰণ ৰাইজৰ মাজত গভীৰ আশংকাৰ সৃষ্টি হৈছে।
হঠাৎ সংঘটিত হোৱা ঘটনাই কঁপাই তুলিছে স্থানীয় প্ৰশাসন আৰু আৰক্ষী বিভাগ। ইতিমধ্যে অঞ্চলটোত এই বিষাক্ত সুৰা ক’ত কেনেকৈ যোগান ধৰা হৈছিল সেই বিষয়ে সঠিকভাৱে জানিবলৈ এক অনুসন্ধান অভিযান আৰম্ভ কৰা হৈছে। এই মাৰাত্মক ব্যৱসায়ৰ আঁৰত কোনো বৃহৎ চোৰাংচোৱা চক্ৰ সক্ৰিয় আছে সেই সন্দৰ্ভত এক সম্যক তদন্ত চলি আছে।
নাগালেণ্ডত সুৰা নিষিদ্ধ হোৱাৰ পাছতো স্থানীয় বাসিন্দাসকলৰ মনত তীব্ৰ ক্ষোভ আৰু প্ৰশ্ন উত্থাপন হৈছে যে প্ৰশাসনৰ মনোযোগ অবিহনে এনে বিপজ্জনক অবৈধ সুৰা ব্যৱসায় কেনেদৰে চলি আছিল। সাধাৰণ ৰাইজে দাবী জনাইছে যে এই ব্যৱসায়ৰ মূল দোষীক শীঘ্ৰে চিনাক্ত কৰি দৃষ্টান্তমূলক শাস্তি প্ৰদান কৰিব লা,গে যাতে ভৱিষ্যতে কোনো পৰিয়ালে এনেদৰে চকুলো টুকিব নালাগে। পৰিস্থিতি নিয়ন্ত্ৰণত ৰাখিবলৈ আৰু কোনো নতুন অপ্ৰীতিকৰ ঘটনা ৰোধ কৰিবলৈ সংশ্লিষ্ট অঞ্চলসমূহত আৰক্ষীৰ টহল আৰু চোৰাংচোৱাগিৰি তীব্ৰতৰ কৰি তোলা হৈছে।
