
প্লাষ্টিক ব্যৱহাৰৰ ক্ষেত্ৰত (Palstic ban) কাৰ্বি আংলং জিলা আয়ুক্তৰ কাৰ্যালয়ে গ্ৰহণ কৰিছে কঠোৰ পদক্ষেপ। এতিয়াৰে পৰা কাৰ্বি আংলং জিলা আয়ুক্তৰ কাৰ্যালয় চৌহদত এবাৰ ব্যৱহাৰযোগ্য প্লাষ্টিকৰ ব্যৱহাৰ কৰিব নোৱাৰিব। এই প্লাষ্টিক সম্পূৰ্ণৰূপে নিষিদ্ধ কৰা হৈছে।

এই ক্ষেত্ৰত প্লাষ্টিকৰ পানীৰ বটল আৰু প্লাষ্টিকৰ ডিচপ’জেবল গিলাচো সামৰি লোৱা হৈছে। অৰ্থাৎ এই দুয়োবিধ সামগ্ৰীৰ ব্যৱহাৰো সম্পূৰ্ণভাৱে নিষিদ্ধ কৰা হৈছে। এই সন্দৰ্ভত জিলা আয়ুক্তগৰাকীয়ে কয় যে এয়া মাত্ৰ এক ক্ষুদ্ৰ প্ৰয়াস। লগতে তেওঁ আশা প্ৰকাশ কৰে যে এই প্ৰচেষ্টা আন আন চৰকাৰী কাৰ্যালয়ৰ লগতে জনসাধাৰণৰ ঘৰলৈও ক্ৰমান্বয়ে সম্প্ৰসাৰিত হ’ব।













