যোৱা ১৬ এপ্ৰিলত দুদিনীয়া কাৰ্যসূচীলৈ সপৰিয়াললৈ কাৰবি আংলং ভ্ৰমণলৈ অহা মুখ্যমন্ত্ৰী ডাঃ হিমন্ত বিশ্ব শৰ্মাই ডিফুৰ বৃক্ষ উদ্যান আৰু শিল্প কেন্দ্ৰৰ সভা কক্ষত কাৰবি আংলং স্বায়ত্তশাসিত পৰিষদ, জিলা প্ৰশাসন, আৰক্ষী প্ৰশাসন ছাত্ৰ আৰু বিভিন্ন দল-সংগঠনৰ লগত এক পৰ্যালোচনা সভাত মিলিত হৈছিল ৷
উক্ত পৰ্যালোচনা সভাত আমন্ত্ৰিত দল হিচাপে বিৰোধী আঞ্চলিক ৰাজনৈতিক দল এএছডিচিয়েও অংশগ্ৰহণ কৰিছিল ৷ এএছডিচিৰ হৈ সভাপতি, সাধাৰণ সম্পাদক আৰু প্ৰচাৰ সম্পাদক ক্ৰমে, চন্দ্ৰকান্ত তেৰাঙ, জৎছন বে’ আৰু ডেনিয়েল টেৰণলৈ তিনিজনীয়া এক সঁজাতি দলে তিনিদফীয়া দাবী সম্বলিত এক স্মাৰক-পত্ৰ মুখ্যমন্ত্ৰীগৰাকীৰ হাতত অৰ্পণ কৰিছিল ৷
উক্ত দাবীসমূহকলৈ মুখ্যমন্ত্ৰীৰ সৈতে আলোচনা সৌহাৰ্দমূলক আছিল বুলি আজি বিয়লি ডিফুস্থিত এএছডিচিৰ কাৰ্যালয়ত আয়োজিত এক সংবাদমেলত সদৰি কৰে এএছডিচিৰ সভাপতি চন্দ্ৰকান্ত তেৰাঙে ৷
স্মাৰক পত্ৰটোত থকা দাবীসমূহ ক্ৰমে, ভাৰতীয় সংবিধানৰ অনুচ্ছেদ ২৪৪(ক)ৰ সুবিধা অনুসৰি তিনি পাৰ্বত্য জিলাক সাঙুৰি স্বায়ত্তশাসিত ৰাজ্য ঘোষণা কৰা, ১৯৫১ চনৰ চৰকাৰী অধিসূচনা মৰ্মে অসম-মেঘালয় সীমা বিবাদৰ ইছ্যু মীমাংসা কৰা ৷
কাজিৰঙা অভয়াৰণ্যত পৰিৱেশ সংবেদনশীল এলেকা আৰু হস্তী দুৱাৰ সন্দৰ্ভত ব্যৱস্থা লোৱা আদি ৷ চন্দ্ৰকান্ত তেৰাঙে কয় যে স্বায়ত্তশাসিত ৰাজ্যৰ দাবীত এএছডিচিয়ে ১৯৮৬ চনৰ পৰাই আন্দোলন কৰি আহিছে ৷ বিজেপি দলে তেওঁলোকৰ বিজেপিৰ বিভিন্ন নিৰ্বাচনী ইস্তহাৰতসমূহত স্বায়ত্তৰাজ্য সৃষ্টি বিষয়টো ৰাষ্ট্ৰীয় এজেণ্ডা বুলি নিৰ্বাচনোত্তৰ প্ৰতিশ্ৰুতি দিছিল ৷
উক্ত বিষয় সন্দৰ্ভত মুখ্যমন্ত্ৰীৰ কোনো নিৰ্দিষ্ট মন্তব্য নোপোৱাত বিষয়টিক লৈ হেঁচা প্ৰয়োগ কৰাৰ বাবে গণ আন্দোলন কৰাৰ বাবে মত পোষণ কৰে এএছডিচিয়ে কাৰবি আংলং সীমান্তৰ অসম-মেঘালয় সীমা বিষয় সন্দৰ্ভত মুখ্যমন্ত্ৰী ডাঃ হিমন্ত বিশ্ব শৰ্মাইয়ো সহমত প্ৰকাশ কৰাৰ লগতে উক্ত বিষয়টোলৈ আলোচনা হলে সকলো দল-সংগঠনক বিশ্বাসত লৈ আগবঢ়া হব ৷
আনহাতে কাৰবি আংলঙৰ দুই পৰিষদীয় সমষ্টি দুৱাৰ বাগৰি আৰু ছচেং ধেণ্টা সমষ্টিৰ অন্তৰ্গত কাজিৰঙা অভয়াৰণ্যক পৰিৱেশ সংবেদনশীল হস্তী দুৱাৰ হিচাপে সম্প্ৰসাৰণ কৰা বিষয়কলৈ কাৰবি আংলং স্বায়ত্তশাসিত পৰিষদৰ চিইএম তুলিৰাম ৰংহাঙে উচ্চতম ন্যায়ালয়ত গোছৰ তৰাবুলি কোৱাত পৰিষদক এইলৈ এটা যোগ্য আৰু ভাল অধিবক্তা নিযুক্ত কৰিবলৈ চিইএম তুলিৰাম ৰংহাঙক মুখ্যমন্ত্ৰীয়ে নিৰ্দেশ প্ৰদান কৰা বুলি এএছডিচিৰ সভাপতি গৰাকীয়ে জানিবলৈ দিছে৷
আনহাতে কাজিৰঙা অভয়াৰণ্যৰ কাৰবি আংলংৰ ভূমিত বসবাস কৰা লোকক কাৰবি আংলং স্বায়ত্তশাসিত পৰিষদৰ ৰাজহ বিভাগৰ তৰফৰ পৰা স্থান খালি কৰাৰ জাননী প্ৰেৰণ কৰা কাৰ্যকলৈও আশ্চৰ্য প্ৰকাশ কৰিছে চন্দ্ৰকান্ত তেৰাঙে ৷
