Odisha Train Accident I ওড়িশাৰ ৰে’ল দুৰ্ঘটনাত ২৮৮ জনৰ মৃত্যু! তদন্ত ঘোষণা কেন্দ্ৰীয় ৰেʼল মন্ত্ৰীৰ

ওড়িশাৰ (Odisha) বালেশ্বৰত ৰেʼল দুৰ্ঘটনাস্থলীত উপস্থিত হয় ৰেʼল মন্ত্ৰী অশ্বিনী বৈষ্ণৱ (Ashwini Vaishnaw) । শনিবাৰে পুৱা ৮ বজাৰ আগতেই তেওঁ বালেশ্বৰত উপস্থিত হৈ দুৰ্ঘটনাস্থলীলৈ যায়। সাংবাদিকৰ সৈতেও তেওঁ বাৰ্তালাপ কৰে।

এই দুৰ্ঘটনাৰ কাৰণৰ তদন্ত কৰা হʼব বুলি ৰেʼল মন্ত্ৰীগৰাকীয়ে জানিবলৈ দিয়ে। তেওঁ কয়, “নিশা এখন উচ্চস্তৰীয় সমিতি গঠন কৰা হৈছে। ৰে’লৱেই মূললৈ গৈ এই দুৰ্ঘটনাৰ কাৰণ তদন্ত কৰিব। ৰেʼল সুৰক্ষা আয়ুক্তই (দক্ষিণ-পূব চক্ৰ) স্বতন্ত্ৰ তদন্ত কৰিব। কিন্তু প্ৰথম অৱস্থাত আমাৰ অগ্ৰাধিকাৰ বেলেগ।”

লগতে তেওঁ কয়, “বৰ্তমান দুৰ্ঘটনাস্থলীত উদ্ধাৰৰ কামত গুৰুত্ব দিয়া হৈছে। এতিয়া আমাৰ প্ৰাথমিক আৰু একমাত্ৰ লক্ষ্য হৈছে আহতসকলক যিমান পাৰি সোনকালে উদ্ধাৰ কৰা আৰু উপযুক্ত চিকিৎসাৰ ব্যৱস্থা কৰা। ইয়াৰ কাষৰীয়া চহৰ কটক, কলকাতা, ভুৱনেশ্বৰ। য’ত উত্তম চিকিৎসা সুবিধা উপলব্ধ তাতেই সকলো ব্যৱস্থা কৰা হ’ব।”

পিটিআইৰ প্ৰতিবেদন অনুসৰি, ৰেʼল মন্ত্ৰালয়ে এনে ভয়ানক দুৰ্যোগ কেনেকৈ সংঘটিত হʼল তাৰ তদন্তৰ নিৰ্দেশ দিছে। এই ঘটনাৰ তদন্তৰ দায়িত্ব লৈছে ৰেলৱে সুৰক্ষা আয়ুক্ত (দক্ষিণ-পূব চক্ৰ) এ এম চৌধাৰীয়ে।

আনহাতে, মৃতকৰ সংখ্যাৰ বিষয়ে অশ্বিনীক সোধাত তেওঁ কয়, “ৰে’লে নিয়মীয়াকৈ মৃত আৰু আহত লোকৰ সংখ্যাৰ বিষয়ে আপোনালোকক অৱগত কৰি আছে। বৰ্তমান সেই সংখ্যাই ধৰি লওক।” উল্লেখযোগ্য যে এতিয়ালৈকে ৰে’লৱেই প্ৰকাশ কৰা অনুসৰি, মৃত্যুৰ সংখ্যা ৮৮ জন আৰু কমেও ৬০০ লোক আহত হৈছে। অৱশ্যে পিটিআইৰ খবৰ অনুসৰি, বালেশ্বৰ ৰেʼল দুৰ্ঘটনাত কমেও ২৮৮ জন লোকৰ মৃত্যু হৈছে। আহত ৯০০ৰো অধিক।

ঘটনাস্থলীত গৈ ৰেʼল মন্ত্ৰীগৰাকীয়ে কয় যে এই দুৰ্ঘটনাটো অতি দুৰ্ভাগ্যজনক। খবৰ পোৱাৰ প্ৰায় লগে লগে উদ্ধাৰ অভিযান আৰম্ভ কৰা হয়। ইতিমধ্যে ঘোষণা কৰা হৈছে যে কৰমণ্ডল এক্সপ্ৰেছ দুৰ্ঘটনাত নিহত পৰিয়ালক ৰে’লৱেই ১০ লাখ টকাৰ এককালীন ক্ষতিপূৰণ দিব। গুৰুতৰভাৱে আহতসকলক ২ লাখ টকা আৰু সামান্য আঘাতপ্ৰাপ্তসকলক ৫০ হাজাৰ টকাৰ এককালীন সাহায্য প্ৰদান কৰা হʼব। উল্লেখ্য, শুকুৰবাৰে সন্ধ্যা ৭ বজাত দুর্ঘটনাটি ঘটে। দিনৰ ৩.১৫ বজাত হাওৰাৰ ওচৰৰ শালিমাৰ ষ্টেচনৰ পৰা এৰিছিল উজনিমুৱা কৰমণ্ডল এক্সপ্রেছ। প্রায় চাৰি ঘণ্টা পিছত ওড়িশাৰ বালেশ্বৰৰ বাহানগা বজাৰৰ ওচৰত দুর্ঘটনাৰ কবলত পৰে ২৩ টা ডবাৰ ৰে’লখন।