অলিম্পিকত ব্ৰঞ্জৰ পদক বিজয়ী মল্লযোদ্ধা বজৰং পুনিয়া (Wrestler Bajrang Punia)ই পদ্মশ্ৰী বঁটা ঘূৰাই দিলে (Returned the Padma Shri award)। সাক্ষী মালিকে বৃহস্পতিবাৰে মল্লযুদ্ধৰ পৰা হঠাতে অৱসৰ গ্ৰহণৰ কথা ঘোষণাৰ পিছত বজৰঙে লয় এই সিদ্ধান্ত। ভাৰতীয় কুস্তি ফেডাৰেচনৰ নিৰ্বাচনৰ পিছত দেশৰ প্ৰখ্যাত মল্লযোদ্ধাসকলে এটা এটাকৈ বিদ্ৰোহ কৰি আছে। বজৰঙৰ অভিযোগ কুস্তি ফেডাৰেচনৰ প্ৰাক্তন বিষয়া ব্ৰীজভূষণ সিঙৰ বিৰুদ্ধে আছিল। তেওঁৰ ঘনিষ্ঠ সহযোগী সঞ্জয় সিঙক বৰ্তমান কুস্তি ফেডাৰেচনৰ সভাপতি নিৰ্বাচিত কৰা হৈছে । এই নিৰ্বাচনৰ পিছৰে পৰা মল্লযোদ্ধাসকলৰ বিদ্ৰোহ ইয়াৰ এটা অংশ আছিল।
বজৰঙে ছ’চিয়েল মিডিয়াত পোষ্ট (Bajrang’s post on social media) কৰে যে তেওঁ পদ্মশ্ৰী সন্মান ঘূৰাই দিছে। বজৰঙে প্ৰধানমন্ত্ৰী নৰেন্দ্ৰ মোদীলৈ লিখা বাৰ্তাত লিখিছে, “মই মোৰ পদ্মশ্ৰী বঁটা ঘূৰাই দিছোঁ। আপুনি নিশ্চয় বিভিন্ন ক্ষেত্ৰত ব্যস্ত। কিন্তু মই আপোনালৈ লিখিবলৈ বাধ্য হৈছোঁ । কাৰণ দেশৰ মল্লযোদ্ধাসকলৰ সৈতে বহু ঘটনা ঘটি আছে, যিবোৰৰ ওপৰত আপোনাৰ মনোযোগ আকৰ্ষণ কৰাটো জৰুৰী। “
বজৰঙে তেওঁৰ পত্ৰখনত ব্ৰীজভূষণৰ বিৰুদ্ধে এই বছৰৰ জানুৱাৰীত আৰম্ভ হোৱা প্ৰতিবাদৰ কথাও উল্লেখ কৰে। ব্ৰীজভূষণৰ বিৰুদ্ধে মল্লযোদ্ধাসকলে যৌন নিৰ্যাতনৰ অভিযোগ উত্থাপন কৰিছিল। বজৰং তথা অন্যান্যসকলে দিল্লীৰ যন্তৰ-মন্তৰৰ সন্মুখত ধৰ্ণা দিছিল। “আমি প্ৰতিবাদ কৰা বন্ধ কৰিছিলোঁ, কাৰণ চৰকাৰে আমাক প্ৰতিশ্ৰুতি দিছিল যে ব্ৰীজভূষণৰ বিৰুদ্ধে ব্যৱস্থা লোৱা হ’ব। কিন্তু তিনি মাহৰ পাছতো কোনো এজাহাৰ পঞ্জীয়ন কৰা হোৱা নাই। আমি পুনৰ প্ৰতিবাদ কৰিবলৈ আৰম্ভ কৰিলোঁ। কিন্তু জানুৱাৰীত থকা ১৯ টা অভিযোগ সাতলৈ হ্ৰাস কৰা হয়।
এইটোৱে প্ৰমাণ কৰে যে ব্ৰীজভূষণ কিমান প্ৰভাৱশালী। বাৰগৰাকী মল্লযোদ্ধাই প্ৰতিবাদ কৰা বন্ধ কৰি দিলে। “উল্লেখ্য যে সঞ্জয় সিঙক বুধবাৰে ভাৰতীয় কুস্তি ফেডাৰেচনৰ সভাপতি হিচাপে নিৰ্বাচিত কৰা হয়। তেওঁ অভিযুক্ত ব্ৰীজভূষণ চৰণ সিঙৰ ঘনিষ্ঠ বুলি জনা যায়। ইয়াৰ পিছত সাক্ষীয়ে প্ৰতিবাদ স্বৰূপে মল্লযুদ্ধ ত্যাগ কৰাৰ সিদ্ধান্ত লয়। অলিম্পিক পদক বিজয়ী মল্লযোদ্ধাগৰাকীয়ে সিদ্ধান্তটো ঘোষণা কৰাৰ সময়ত কান্দি উঠে।
