জাতীয় গীত ‘বন্দে মাতৰম’ক (Vande Mataram) অপমান কৰাটো শাস্তিযোগ্য কৰি তুলিবলৈ (To make insulting punishable) এখন আইন প্ৰস্তুত (Law prepared) কৰা হৈছে। মঙলবাৰে ৰাষ্ট্ৰপতি দ্ৰৌপদী মুৰ্মুৱে এই বিধেয়কত সন্মতি প্ৰদান কৰে। ফলত ‘ৰাষ্ট্ৰীয় সন্মানৰ অপমান প্ৰতিৰোধ (সংশোধনী) বিধেয়ক, ২০২৬’ ই (National Honor Insult Prevention (Amendment) Bill) এক আইনত পৰিণত হয়।
২৯ জুলাইত ৰাজ্যসভাত বিধেয়কখন গৃহীত হয়। দুদিন পিছত ৩১ জুলাইত লোকসভাতো বিধেয়কখন গৃহীত হয়। এইবাৰ ৰাষ্ট্ৰপতিয়েও ইয়াত সেউজ সংকেত দিয়ে। এই আইনৰ জৰিয়তে জাতীয় গীত ‘বন্দে মাতৰম’ক ৰাষ্ট্ৰীয় সংগীত ‘জন গণ মন’ৰ সমান মৰ্যাদা দিয়া হৈছে।
এতিয়ালৈকে জাতীয় সংগীতক অপমান কৰাটো ‘ৰাষ্ট্ৰীয় সন্মানৰ অপমান প্ৰতিৰোধ আইন’ৰ অধীনত শাস্তিযোগ্য অপৰাধ বুলি গণ্য কৰা হৈছিল। দীৰ্ঘদিন ধৰি জাতীয় গীতৰ ক্ষেত্ৰত তেনে কোনো ব্যৱস্থা নাছিল। এইবাৰ জাতীয় গীতক অপমান কৰাটোও শাস্তিযোগ্য কৰি তোলা হৈছে। সংশোধিত আইন অনুসৰি, জাতীয় গীত পৰিবেশনৰ সময়ত ইচ্ছাকৃতভাৱে ব্যাঘাত জন্মোৱাতো নিষেধাজ্ঞা আৰোপ কৰা হৈছে। ৰাষ্ট্ৰীয় গীতক অপমান কৰাৰ দোষী সাব্যস্ত হ’লে তিনিবছৰ পৰ্যন্ত কাৰাদণ্ড, জৰিমনা বা দুয়োটায়ে হ’ব।
কেন্দ্ৰই বিগত কেইবছৰমানৰ পৰা ৰাষ্ট্ৰীয় গীতৰ মৰ্যাদা বৃদ্ধিৰ বাবে উদ্যোগ গ্ৰহণ কৰি আহিছে। সম্প্ৰতি বংকিম চন্দ্ৰ চেটাৰ্জীৰ দ্বাৰা ৰচিত দেশপ্ৰেমমূলক গীত ‘বন্দে মাতৰম’ৰ ১৫০ বছৰীয়া জয়ন্তী উদযাপন কৰা হৈছে। এনে পৰিস্থিতিত কেন্দ্ৰই চলিত বৰ্ষৰ ফেব্ৰুৱাৰী মাহত ৰাষ্ট্ৰীয় গীত গোৱাৰ নিয়ম প্ৰস্তুত কৰিছিল। নিয়ম অনুসৰি ‘বন্দে মাতৰম’ৰ ছয়টা স্তৱক ১৯০ ছেকেণ্ডত (৩ মিনিট ১০ ছেকেণ্ড) পৰিবেশন কৰিব লাগিব। ফেব্ৰুৱাৰী মাহত জাৰি কৰা কেন্দ্ৰৰ গাইডলাইন অনুসৰি ৰাষ্ট্ৰীয় পতাকা উত্তোলনকে ধৰি চৰকাৰী সকলো অনুষ্ঠানতে ৰাষ্ট্ৰীয় সংগীতৰ পূৰ্বে জাতীয় গীত বাজিব।
এইবাৰ লালকিল্লাত অনুষ্ঠিত হ’বলগা স্বাধীনতা দিৱসৰ অনুষ্ঠানত জাতীয় গীত বজোৱা হ’ব। এতিয়ালৈকে এই অনুষ্ঠানত জাতীয় সংগীত বজোৱা হৈছিল। প্ৰথমবাৰৰ বাবে স্বাধীনতা দিৱসৰ দিনা লালকিল্লাত ৰাষ্ট্ৰীয় পতাকা উত্তোলনৰ সময়ত গোৱা হ’ব ‘বন্দে মাতৰম’। ইয়াৰ পিছত ‘জন গণ মন’ পৰিবেশন কৰা হ’ব। এইবাৰৰ লালকিল্লাৰ অনুষ্ঠানৰ নিমন্ত্ৰণী পত্ৰতো ‘বন্দে মাতৰম’ৰ ছটা স্তৱক সন্নিবিষ্ট কৰা হৈছে।
