৩৬ বছৰৰ মূৰত (End of 36 years) অৱশেষত বাংলাদেশৰ জে’লৰ পৰা মুক্তি (Bangladesh released from jail) পালে ত্ৰিপুৰাৰ শ্বাহজাহানে (Shahjahan of Tripura)। তিনি দশকৰ অন্তত তেওঁ বুধবাৰে ঘৰলৈ উভতি আহে। শ্বাহজাহান ওৰফে বিলাছৰ ঘৰ ত্ৰিপুৰাৰ সোণমুৰা দুৰ্গাপুৰত। ১৯৮৮ চনত শ্বাহজাহান বাংলাদেশৰ এজন আত্মীয়ৰ ঘৰলৈ যায়। তাতে আৰক্ষীয়ে তেওঁক আটক কৰে।Sheikh Hasina I বিচাৰৰ বাবে হাছিনাক বাংলাদেশলৈ ঘূৰাই পঠিয়াব লাগিব, ভাৰতক সতৰ্কবাণী বিএনপিৰ।
অনুপ্ৰৱেশৰ বাবে তেওঁ জে’ললৈ যাবলগীয়া হয়। বাংলাদেশ আৰক্ষীয়ে তেওঁৰ ওপৰত মিছা গোচৰ তৰি আদালতত হাজিৰ কৰায়। প্ৰথম অৱস্থাত আদালতে তেওঁক ১১ বছৰৰ কাৰাদণ্ড প্ৰদান কৰিছিল। কিন্তু শাস্তিৰ ম্যাদ উকলি গ’লেও শ্বাহজাহানে ঘৰলৈ ঘূৰি আহিব পৰা নাছিল। বৰঞ্চ বিভিন্ন আইনী জটিলতাৰ বাবে আৰু ২৫ বছৰ পাৰ হৈ যায়।
কিন্তু বুধবাৰে বাংলাদেশৰ কমিলাৰ কেন্দ্ৰীয় কাৰাগাৰৰ পৰা মুকলি কৰি দিয়া হয় শ্বাহজাহানক। বাংলাদেশ সীমান্তৰক্ষী বাহিনী বি এছ এফৰ সহযোগত তেওঁ কমিলাৰ বিবি বজাৰ-সোনামুৰা শ্ৰীমন্তপুৰ চেক পোষ্টৰ জৰিয়তে ভাৰতলৈ উভতি আহে। এই ক্ষেত্ৰত আগৰতলাৰ এটা স্বেচ্ছাসেৱী সংগঠনেও সহায় কৰে।
কিন্তু তেতিয়াৰ চফল ডেকা শ্বাহজাহানৰ বয়স এতিয়া ৬২ বছৰ। তেওঁৰ বৃদ্ধ পত্নী আৰু পুত্ৰও আছে। শ্বাহজাহানক বন্দী কৰাৰ সময়ত তেওঁৰ পত্নী গৰ্ভৱতী আছিল। ইমান বছৰৰ পাছত প্ৰথমবাৰৰ বাবে পুত্ৰৰ মুখখন দেখা পালে পিতৃয়ে। আনহাতে, বহু সময়ৰ অপেক্ষাৰ অন্তত শ্বাহজাহানক ঘূৰাই পোৱাৰ পিছত সমগ্ৰ গাঁওখন আৱেগেৰে উপচি পৰে। ইফালে সংবাদ সংস্থাৰ আগত তেওঁৰ অকপট স্বীকাৰোক্তি, “মই যেন নৰকৰ পৰা স্বৰ্গলৈ উভতি আহিছোঁ। মোৰ যেন পুনৰ জন্ম হ’ল।”
উল্লেখ্য যে শ্বেখ হাছিনা চৰকাৰৰ পতনৰ পিছত বাংলাদেশৰ বিভিন্ন কাৰাগাৰৰ পৰা বহু লোকক মুকলি কৰি দিয়া হৈছে। হাছিনাৰ কুখ্যাত কাৰাগাৰ ‘আইনা ঘৰ’ৰ পৰাও মুক্তি পাই বহু ৰাজকীয় বন্দী ঘৰলৈ উভতিছে। ইউনাইটেড পিপ’লছ ডেম’ক্ৰেটিক ফ্ৰণ্টৰ নেতা মাইকেল চাকমা (Leader Michael Chakma)য়ো ৫ বছৰৰ পাছত কাৰাগাৰৰ পৰা মুক্তিলাভ কৰিছে।
