ডিফু (Diphu)লৈ পানী যোগান ধৰা জনস্বাস্থ্য কাৰিকৰী বিভাগ (Public Health Technical Department)ৰ মূল উৎসস্থলী চিলনীৰ তেৰাম বস্তিত (In Silani’s TeramBasti) থকা পানীৰ পাইপ কাটি (Cutting the water pipe) অবৈধভাবে বিক্ৰী কৰা এটা চক্র (Illegally sold gang) আজি মাঞ্জা আৰক্ষীৰ (Manja police) জালত পৰে। উল্লেখ্য যে দীর্ঘদিন ধৰি চিলনীৰ তেৰাং বস্তিত অব্যবহৃত হৈ থকা এই পানীৰ পাইপসমূহ এটা চক্রই কাটি কাটি মাঞ্জাত বিক্রী কৰি আছিল। এই সন্দর্ভত জনস্বাস্থ্য কাৰিকৰী বিভাগ অৱগত হৈছিল যদিও এই কার্যত জড়িত চোৰ কেইটাক ধৰিব পৰা নাছিল।
আজি পুৱতি নিশা এখন বলেৰ’ নম্বৰ এছ-০৯-বিচি-২২২৯ আৰু এখন বাইকত নং, এএছ-০১-এ জে-৩৯৫৪ অহা চোৰৰ দলটোৱে মাঞ্জাত বিক্ৰীৰ বাবে আনি থকা পাইপখিনি আৰক্ষীয়ে জব্দ কৰিবলৈ সক্ষম হোৱাৰ লগতে চুৰি কার্যত জড়িত থকা পাঁচটা চোৰকো গ্রেপ্তাৰ কৰিবলৈ সক্ষম হয়। আজি পুৱতি নিশা মাঞ্জা আৰক্ষীয়ে চলোৱা অভিযানত বলেৰ’ খনত কঢ়িয়াই অনা ৪১ডাল পাইক আৰক্ষীয়ে জব্দ কৰিবলৈ সক্ষম হয়।
উল্লেখ্য যে এই সন্দর্ভত আৰক্ষীয়ে পাঁচটা চোৰক্রমে-বাংফু তিমুং (২২), থং টেৰণ (৩০), সঞ্জয় ফাংচ’ (২৫), পাওগ’ জনহাও (২৫), চুক বাহাদুৰ মাকটন (৩৫) গ্রেপ্তাৰ কৰাৰ লগতে বলেৰ’ আৰু বাইকখনো জব্দ কৰে । আনহাতে, মাঞ্জা থানাত উপস্থিত হোৱা জনস্বাস্থ্য কাৰিকৰী বিভাগৰ কর্মচাৰীসকলে সংবাদমাধ্যমৰ আগত প্রকাশ কৰা অনুসৰি দীর্ঘ দিন ধৰি চুৰি চক্রটোৱে পাইপসমূহ কাটি কাটি এইদৰে বিক্রী কৰি আহিছিল। ডিফুলৈ পানী যোগান ধৰাৰ বাবে নতুনকৈ পাইপ লাইন নির্মাণ কৰা হ’ল যদিও এই পাইপসমূহ এতিয়াও কার্যক্ষম হৈ আছিল আৰু মূল পাইপসমূহ কিবা কাৰণে বিজুতি ঘটিলে এই পাইপসমূহ অতিৰ্ক্তভাবে ব্যৱহাৰ কৰিব পৰাকৈ সক্ষম হৈ আছিল।
