জম্মু-কাশ্মীৰৰ উধামপুৰত এখন চি আৰ পি এফ জোৱানৰ বাহনে (CRPF Bus accident) নিয়ন্ত্ৰণ হেৰুৱাই খাৱৈত বাগৰি পৰে। বৃহস্পতিবাৰে পুৱা বসন্তগড় অঞ্চলৰ কাণ্ডৱাত সংঘটিত হয় এই ঘটনা।
হঠাৎ গাড়ীখনে নিয়ন্ত্ৰণ হেৰুৱাই খাৱৈত বাগিৰ পৰাত থিতাতে মৃত্যু হয় দুজন জোৱানৰ। আনহাতে, আহত হয় ১২ জন জোৱান।
আৰক্ষীৰ সূত্ৰ অনুসৰি, গাড়ীখনত মুঠ ২৩ জন জোৱান আছিল। কাণ্ডৱা-বসন্তগড় পথত প্ৰৱেশ কৰাৰ লগে লগে গাড়ীখনে নিয়ন্ত্ৰণ হেৰুৱায়। ইয়াৰ পিছতে লুটি খাই খাৱৈত বাগৰি পৰে। স্থানীয় ৰাইজে প্ৰথমে উদ্ধাৰকাৰ্য আৰম্ভ কৰে। আনহাতে, তথ্য লাভ কৰাৰ পিছতে উক্ত স্থানত উপস্থিত হয় আৰক্ষী আৰু উদ্ধাৰকাৰী দল।
আহত জোৱানকেইজনক উদ্ধাৰ কৰি চিকিৎসালয়ত ভৰ্তি কৰোৱা হৈছে। আৰক্ষীৰ সূত্ৰ অনুসৰি, তেওঁলোকৰ একাংশৰ অৱস্থা সংকটজনক। উধামপুৰ জিলাৰ অতিৰিক্ত আৰক্ষী অধীক্ষক সন্দীপ ভাটে জনোৱা মতে, এই দুৰ্ঘটনাত দুজন জোৱানৰ মৃত্যু হয়।
আহত জোৱানকেইজন চিকিৎসাধীন হৈ আছে। এই দুৰ্ঘটনাৰ তদন্ত চলি আছে। কিন্তু প্ৰথম অৱস্থাত বাহনখন বেয়া পথৰ বাবে নিয়ন্ত্ৰণ হেৰুৱাই পেলোৱা বুলি ধাৰণা কৰা হৈছে। সেইবাবেই সংঘটিত হয় এই দুৰ্ঘটনা।
