টি-২০ বিশ্বকাপ (T-20 World Cup)ত পুনৰ বিতৰ্কত পাকিস্তান (Pakistan in controversy)। এইবাৰ অৱশ্যে ক্ৰিকেটাৰৰ বাবে নহয়, ধাৰাভাষ্যকাৰ ৰামিজ ৰাজা (Commentator Ramiz Raja)ৰ এটা মন্তব্যক লৈ এই বিতৰ্কৰ সৃষ্টি হৈছে। শ্ৰীলংকান ক্ৰিকেটাৰ ৱানেন্দু হাছৰংগাক লৈ তেওঁৰ মন্তব্যক ক্ৰিকেট অনুৰাগীয়ে ভালভাৱে গ্ৰহণ কৰা নাই।
দেওবাৰে আছিল আয়াৰলেণ্ড-শ্ৰীলংকাৰ মাজৰ গ্ৰুপ পৰ্যায়ৰ এখন মেচ। আয়াৰলেণ্ডৰ ইনিংছৰ সময়ত হাছাৰংগাই বলিং কৰিবলৈ আহে। কেইটামান বল দিয়াৰ পিছতে তেওঁৰ হেমষ্ট্ৰিঙৰ কিছু সমস্যাৰ সৃষ্টি হয়। ফলত ফিজিঅ’ খেলপথাৰলৈ আহে। তেতিয়া দেখা যায় যে হাছাৰংগাই ট্ৰাউজাৰটো নমাই ফিজিঅ’ক কিবা এটা দেখুৱাইছে। এই দৃশ্য দেখি ধাৰাভাষ্যকাৰ ৰামিজ ৰাজাই কয়, “হয়তো তেওঁ অতি সোনকালে মালিচ কৰিব। ই যাদুৰ দৰে কাম কৰিব পাৰে।”
যদিও ৰামিজ ৰাজাই অশ্লীল ভাষা ব্যৱহাৰ কৰা নাছিল, কিন্তু ক্ৰিকেট অনুৰাগীয়ে তেওঁৰ ভংগীমা আৰু ব্যৱহাৰক ভালদৰে গ্ৰহণ কৰা নাছিল। তেওঁলোকে দাবী কৰে যে ৰামিজ ৰাজাৰ ইংগিতবোৰ বেয়া আছিল । কাৰণ, হাছাৰংগাই য’ত অসুবিধা পাইছিল সেয়া আছিল তেওঁৰ গোপন অংগৰ ওচৰত। সেইবাবেই তেওঁ ট্ৰাউজাৰ তললৈ নমাই ফিজিঅ’ক আঘাত দেখুৱাই আছিল। ৰামিজ ৰাজাই তাত মালিচ কৰাৰ কথা কৈ কি বুজাব বিচাৰিছিল? এই ঘটনাক লৈ ছচিয়েল মিডিয়াত তেওঁক সমালোচনা কৰা হৈছে। অৱশ্যে ৰামিজ ৰাজাই এই সন্দৰ্ভত এতিয়াও একো কোৱা নাই।
উল্লেখ্য যে মেচখনত হেমষ্ট্ৰিঙৰ সমস্যা থকাৰ পিছতো হাছাৰংগাই ৩টা উইকেট দখল কৰি শ্ৰীলংকাৰ জয়ত ডাঙৰ ভূমিকা পালন কৰিছিল। পিছত শ্ৰীলংকাৰ অধিনায়ক দছুন শংকৰে কয়, “ৱানেন্দুৰ হামষ্ট্ৰিঙৰ সমস্যা হৈছিল। তেওঁ সেই অৱস্থাতে বল কৰিছিল। তেওঁ এটা উইকেট লৈছিল। মই আশা কৰিছোঁ যে ই বেছি গুৰুতৰ কথা নহওক। কাৰণ তেওঁ আমাৰ দলৰ এজন গুৰুত্বপূৰ্ণ সদস্য।”
