ভাৰতীয় সংসদীয় ৰাজনীতিৰ ইতিহাস (History of Indian parliamentary politics)ত এক অভূতপূৰ্ব আৰু ঐতিহাসিক মাইলৰ খুঁটি (Historic milestone)ত উপনীত হৈছে প্ৰধানমন্ত্ৰী নৰেন্দ্ৰ মোদী (PM Narendra Modi)। দেশৰ সংবিধান কাৰ্যকৰী হোৱাৰ পিছৰে পৰা তেওঁ ভাৰতৰ দীৰ্ঘদিনীয়া কাৰ্যকালৰ (India’s long-standing tenure) প্ৰধানমন্ত্ৰী হিচাপে পৰিগণিত (Considered as the Prime Minister) হৈছে। ভাৰতৰ প্ৰথম প্ৰধানমন্ত্ৰী জৱাহৰলাল নেহৰুৱে ১৯৫২ চনৰ প্ৰথমটো সাধাৰণ নিৰ্বাচনৰ পিছত একেৰাহে ৪,৩৯৮ দিন চৰকাৰৰ মুৰব্বী হিচাপে কাৰ্যনিৰ্বাহ কৰিছিল। বুধবাৰে নৰেন্দ্ৰ মোদীয়ে সেই অভিলেখ ভংগ কৰি একেৰাহে ৪,৩৯৯ দিন প্ৰধানমন্ত্ৰী হিচাপে থকাৰ এক অনন্য নজিৰ গঢ়ি তোলে। ২০১৪ চনৰ ২৬ মে’ত প্ৰথমবাৰৰ বাবে দেশৰ সংসদত অৱতীৰ্ণ হোৱাৰ পৰাই তেওঁ অবিৰতভাৱে এই পদত অধিষ্ঠিত হৈ আহিছে।
এই ঐতিহাসিক মুহূৰ্তৰ স্মৃতিত প্ৰধানমন্ত্ৰীয়ে ছ’চিয়েল মিডিয়াত দেশবাসীক এক বিশেষ বাৰ্তা প্ৰদান কৰে। বাৰ্তাটোত তেওঁ সুশাসন, জনসেৱা আৰু কৰ্তব্যৰ প্ৰতি নিজৰ অদম্য দায়বদ্ধতাক পুনৰ প্ৰকাশ কৰে। সংস্কৃতৰ এটা শ্লোকৰ উদ্ধৃতি দি তেওঁ কয় যে যিজন শাসকে স্বভাৱত নম্ৰ আৰু প্ৰজাৰ কল্যাণৰ বাবে উৎসৰ্গিত তেওঁ প্ৰকৃত গৌৰৱ লাভ কৰে। মোদীয়ে কয়, “জনসেৱাই হৈছে সুশাসনৰ প্ৰকৃত পৰিমাপ। নম্ৰতা, নিষ্ঠা আৰু কৰ্তব্যবোধেৰে অক্লান্তভাৱে কাম কৰা ব্যক্তিয়েহে সাধাৰণ মানুহৰ আস্থা আৰু বিশ্বাস অৰ্জন কৰিব পাৰে।”
প্ৰধানমন্ত্ৰীৰ এই অনন্য কৃতিত্বৰ বাবে শাসকীয় এনডিএ শিবিৰৰ শীৰ্ষ নেতাসকলে তেওঁক অভিনন্দন আৰু শুভেচ্ছাৰ বন্যাৰে উপচাই দিছে। কেন্দ্ৰীয় গৃহমন্ত্ৰী অমিত শ্বাহে কয় যে নৰেন্দ্ৰ মোদীৰ দীৰ্ঘদিনীয়া কাৰ্যকাল আচলতে ভাৰতৰ আত্মসন্মান পুনৰুদ্ধাৰ, সাংস্কৃতিক নৱজাগৰণ আৰু দেশক দাসত্বৰ মানসিকতাৰ পৰা মুক্ত কৰাৰ ক্ষেত্ৰত এক সফল অধ্যায়। উত্তৰ প্ৰদেশৰ মুখ্যমন্ত্ৰী যোগী আদিত্যনাথে এটা প্ৰবন্ধত লিখিছে যে প্ৰধানমন্ত্ৰী মোদীয়ে দেশবাসীক কেৱল প্ৰকল্প বা কাৰ্যসূচী দিয়াই নহয়, আত্মবিশ্বাসেৰে ভৰা ৰাষ্ট্ৰীয় সংকল্প আৰু সুদূৰপ্ৰসাৰী দৃষ্টিভংগীও দিছে। আনহাতে, প্ৰতিৰক্ষা মন্ত্ৰী ৰাজনাথ সিঙে প্ৰধানমন্ত্ৰীক অক্লান্ত ‘কৰ্মযোগী’ বুলি অভিহিত কৰি কয় যে তেওঁ ভাৰতক ‘ৰাষ্ট্ৰ প্ৰথম’ নীতি বজাই ৰাখি পৰিৱৰ্তনৰ পথত লৈ গৈছে।
এই বিশেষ দিনটোত দেশৰ বিভিন্ন প্ৰান্তৰ পৰা আৰু বিশ্বৰ বিভিন্ন প্ৰান্তৰ পৰা অভিনন্দন বাৰ্তা আহিছে। আন্তঃৰাষ্ট্ৰীয় নেতাসকলৰ ভিতৰত মালয়েছিয়াৰ প্ৰধানমন্ত্ৰী আনোৱাৰ ইব্ৰাহিমে নৰেন্দ্ৰ মোদীক আন্তৰিক অভিনন্দন জ্ঞাপন কৰাৰ লগতে বিশ্ব মঞ্চত ভাৰতৰ উত্থানত তেওঁৰ উল্লেখযোগ্য অৱদানৰ প্ৰশংসা কৰিছে। ইয়াৰ উপৰি ভাৰতত থকা আমেৰিকাৰ ৰাষ্ট্ৰদূত চাৰ্জিঅ’ গোৰেও ছ’চিয়েল মিডিয়াত মোদীৰ দীঘলীয়া ৰাজনৈতিক যাত্ৰাক প্ৰশংসা কৰি পোষ্ট কৰে। তেওঁ লিখিছে, “ভাৰতৰ সৰ্বাধিক সময়ৰ নিৰ্বাচিত প্ৰধানমন্ত্ৰী হোৱাৰ বাবে নৰেন্দ্ৰ মোদীক অভিনন্দন। এই কৃতিত্ব তেওঁৰ দশকজুৰি নিষ্ঠাৱান জনসেৱা আৰু শক্তিশালী নেতৃত্বৰ এক শক্তিশালী প্ৰমাণ।”
