হাইলাকান্দিৰ (Hailakandi) ১৫ বছৰীয়া কিশোৰীক ধৰ্ষণ আৰু নৃশংসভাৱে হত্যা (Rape and brutal murder of teenage girls)ৰ গোচৰত দুজন লোকক গ্ৰেপ্তাৰ (Two people arrested) কৰিছে আৰক্ষীয়ে। আনহাতে, এজন নাবালককো গ্ৰেপ্তাৰ (Arrest a minor) কৰা হৈছে। ধৃত তিনিওজনৰ বয়স ১৭ৰ পৰা ১৯ বছৰৰ ভিতৰত। সূত্ৰৰ পৰা জানিব পৰা মতে, ধৃত লোককেইজনৰ এজনৰ সৈতে কিশোৰীগৰাকীৰ সম্পৰ্ক আছিল। উল্লেখ্য যে হাইলাকান্দিৰ এই ঘটনাটোৱে ইতিমধ্যে কেৱল অঞ্চলটোতে নহয় ৰাজ্য তথা দেশতো চাঞ্চল্যৰ সৃষ্টি কৰিছে। ঘটনাৰ প্ৰতিবাদত পথ অৱৰোধ কৰি প্ৰতিবাদ সাব্যস্ত কৰা হৈছে। এই উত্তেজনাৰ মাজতে আৰক্ষীয়ে প্ৰথমে পাঁচজন লোকক আটক কৰি জেৰা আৰম্ভ কৰে। পিছত ইয়াৰে দুজনক গ্ৰেপ্তাৰ কৰা হয়। এজন নাবালককো গ্ৰেপ্তাৰ কৰা হয়। ধৃত নাবালকজনৰ বয়স ১৭ বছৰ ৫ মাহ।
হাইলাকান্দিৰ জ্যেষ্ঠ আৰক্ষী অধীক্ষক অমিতাভ সিঙে কয়, “ধৃত এজনৰ বয়স ১৭ বছৰ ৫ মাহ। কিন্তু গোচৰৰ নিষ্ঠুৰতাক বিবেচনা কৰি আমি আদালতক অনুৰোধ জনাইছোঁ যে গ্ৰেপ্তাৰ হোৱা ব্যক্তিজনক প্ৰাপ্তবয়স্ক হিচাপে গণ্য কৰক।” উল্লেখ্য যে এই জঘন্য কাণ্ডৰ বলি হোৱা কিশোৰীগৰাকী হাইলাকান্দিৰ কাটলিচেৰা থানা এলেকাৰ। শনিবাৰে নিশা তেওঁ পৰিয়ালৰ সৈতে এটা অনুষ্ঠানত অংশগ্ৰহণ কৰিবলৈ গৈছিল। তাতে তেওঁৰ আত্মীয় এজনৰ লগত কাজিয়া হোৱাত বাকীকেইজনক এৰি অকলে ঘৰলৈ ঘূৰি আহে। ইয়াৰ পিছত নিশা ১১ মান বজাত ঘৰলৈ উভতি আহি পৰিয়ালৰ লোকে তেওঁৰ মৃতদেহ পৰি থকা অৱস্থাত উদ্ধাৰ কৰে। তেওঁৰ শৰীৰ আৰু মুখখন ইমানেই বিকৃত হৈ পৰিছিল যে তেওঁক প্ৰথমে চিনিব পৰা নাছিল। কিশোৰীগৰাকীক ধৰ্ষণ কৰি হত্যা কৰাৰ অভিযোগ পৰিয়ালৰ।
এই ঘটনাৰ অভিযুক্তক সৰ্বাধিক শাস্তি প্ৰদানৰ দাবী জনাইছে মাতৃয়ে। তেওঁ কয়, “সৰু ছোৱালী এজনীৰ লগত কোনোবাই ইমান নিষ্ঠুৰ আচৰণ কেনেকৈ কৰিব পাৰে!”
আনহাতে, হাইলাকান্দিৰ অতিৰিক্ত আৰক্ষী অধীক্ষক সমীৰদৰ্পণ বৰুৱাই কয় যে তিনিওজন অভিযুক্তৰ বিৰুদ্ধে ভাৰতীয় ন্যায় সংহিতাৰ ৬৫ (১) ধাৰা (১৬ বছৰৰ তলৰ ব্যক্তিক ধৰ্ষণ), ধাৰা ১০৩ (১) (হত্যা) আৰু পক্সো (POCSO) আইনৰ অধীনত গোচৰ ৰুজু কৰা হৈছে। অৱশ্যে অতিৰিক্ত আৰক্ষী অধীক্ষকে কয় যে তদন্ত অগ্ৰগতিৰ লগে লগে আৰু অধিক ধাৰা সংযোজন হ’ব পাৰে।
তদন্তকাৰীয়ে ধৃত লোককেইজনৰ মোবাইল ফোন জব্দ কৰি জেৰা আৰম্ভ কৰিছে। জ্যেষ্ঠ আৰক্ষী অধীক্ষক অমিতাভ সিঙে এই হত্যাকাণ্ডৰ কাৰণ এতিয়াও স্পষ্ট হোৱা নাই বুলি জানিবলৈ দিয়ে। অৱশ্যে প্ৰাৰম্ভিকভাৱে জানিব পৰা গৈছে যে অভিযুক্তকেইজন ভুক্তভোগীৰ চিনাকি আছিল। লগতে অভিযুক্তৰ হাতত মৃতকৰ ঘৰ সন্দৰ্ভত বিভিন্ন তথ্য আছিল। জ্যেষ্ঠ আৰক্ষী অধীক্ষকগৰাকীয়ে কয়, “অভিযুক্তই তেওঁৰ ঘৰ চিনি পাইছিল। অভিযুক্তৰ ছোৱালীজনীৰ সৈতে যোগাযোগ আছিল। অৱশ্যে আমি এতিয়াই কোনো সিদ্ধান্তত উপনীত হ’ব নোৱাৰো।”
