স্বাধীনতা দিৱসৰ দিনা (On Independence Day)ই কাৰ্বি আংলঙত (Karbi Anglong) সংঘটিত হয় এক শোকাৱহ পথ ঘটনা (Road accident)। এক মৰ্মান্তিক পথ দুৰ্ঘটনাত এগৰাকী ছাত্র নিহত (A student died in an accident) হয়। আনহাতে, দুগৰাকী ছাত্ৰী গুৰুতভাৱে আঘাতপ্ৰাপ্ত (Two students seriously injured) হয়। জানিব পৰা মতে, কাৰ্বি আংলং জিলাৰ ধনশিৰি পৰিষদীয় সমষ্টিৰ অন্তৰ্গত দলদলিৰ মেছেবাদাইমাৰ এগৰাকী ছাত্র আৰু দুগৰাকী ছাত্রীয়ে বিদ্যালয়ত আয়োজিত স্বাধীনতা দিৱসৰ কার্যসূচীত অংশগ্ৰহণ কৰিবলৈ অ’টোৰিক্সাৰে গৈ আছিল। সেই সময়তে ডিফু-ধনশিৰি পথত তেওঁলোকৰ অটোখন দুর্ঘটনাত পতিত হয়। বিপৰীত দিশৰ পৰা অহা এখন বাহনৰ সৈতে অটোখনৰ সংঘর্ষৰ ফলত তিনিওগৰাকী ছাত্র-ছাত্রী গুৰুতভাৱে আহত হয়।
লগে লগে তেওঁলোকক ডিফু চিকিৎসা মহাবিদ্যালয় হাস্পতালত ভর্তি কৰোৱা হয়। কিন্তু দিশাল খেৰসা নামৰ ছাত্রজনৰ অৱস্থা সংকটজনক হোৱাত উন্নত চিকিৎসাৰ বাবে তেওঁক ডিমাপুৰৰ এখন ব্যক্তিগত চিকিৎসালয়লৈ লৈ যোৱা হয়। কিন্তু তাত ছাত্রজনৰ মৃত্যু ঘটে। আনহাতে, দুৰ্ঘটনাটোত আহত দুই ছাত্রী কৃষ্ণালী লাউবাংদিছা আৰু ছিপালী খেৰসা বর্তমানে ডিফু চিকিৎসা মহাবিদ্যালয়ত চিকিৎসাধীন হৈ আছে। স্বাধীনতা দিৱসৰ দিনাই সংঘটিত এই কৰুণ ঘটনাই সমগ্র অঞ্চলটোত শোকৰ ছাঁ পেলাইছে।
