অসম চৰকাৰে কাজিৰঙাৰ পৰিৱেশ সংবেদনশীল অঞ্চলৰ (Kazirang Eco-Sensitive Zone) পৰিসৰ ১০ কিলোমিটাৰৰ পৰিৱৰ্তে ১ কিলোমিটাৰলৈ হ্ৰাস (Reduce to 1 kilometer) কৰাৰ সিদ্ধান্ত গ্ৰহণ কৰিছে। অসম চৰকাৰৰ এই সিদ্ধান্তক লৈ ইতিমধ্যে ৰাজ্যজুৰি তীব্ৰ প্ৰতিক্ৰিয়াৰ সৃষ্টি হৈছে। বিভিন্ন দল-সংগঠন তথা ৰাজনৈতিক দলে ইয়াৰ বিৰুদ্ধাচৰণ কৰিছে। একেদৰে কাৰ্বি আংলং জিলা কংগ্ৰেছ (Karbi Anglong District Congress)ৰ সভাপতি ৰতন ইংতি (President Ratan Ingti)য়েও এই বিষয়ত তীব্ৰ ক্ষোভ প্ৰকাশ (Express strong anger on the matter) কৰে।
ডিফুত এক সংবাদমেল (Press Meet at Diphu) সম্বোধন কৰি জিলা কংগ্ৰেছৰ সভাপতি ৰতন ইংতিয়ে কয় যে এই সিদ্ধান্তৰ ফলত বিশেষকৈ কাৰ্বি আংলং জিলাৰ ওপৰত বিৰূপ প্ৰভাৱ পৰিব পাৰে। কাৰ্বি আংলঙত বিভিন্ন বন্যপ্ৰাণীৰ চলাচলৰ বাবে Animal Corridor আছে। এই অঞ্চলসমূহত যদি বিভিন্ন ধৰণৰ উদ্যোগ আৰু প্ৰতিষ্ঠান স্থাপন কৰা হয় তেন্তে বন্যপ্ৰাণীৰ লগতে মানুহৰো সমস্যাৰ সৃষ্টি হোৱাৰ আশংকা আছে।
আনহাতে, পৰিৱেশ সংবেদনশীল অঞ্চলৰ পৰিসৰ ১০ কিলোমিটাৰৰ পৰিৱৰ্তে ১ কিলোমিটাৰলৈ হ্ৰাস কৰাৰ আঁৰত ব্যৱসায়িক গোষ্ঠীক মাটি প্ৰদানৰ উদ্দেশ্য থকা বুলি ৰতন ইংতিয়ে অসম চৰকাৰৰ বিৰুদ্ধে অভিযোগ উত্থাপন কৰে। তেওঁ অভিযোগ কৰে যে পৰিৱেশ সংবেদনশীল অঞ্চলৰ পৰিসৰ হ্ৰাস কৰি অঞ্চলটোত খনিজ আৰু অন্যান্য খনন কাৰ্যৰ পথ প্ৰশস্ত কৰাৰ চেষ্টা কৰা হৈছে। তেওঁ লগতে বন্যপ্ৰাণী, পৰিৱেশ আৰু স্থানীয় জনসাধাৰণৰ স্বাৰ্থত এই সিদ্ধান্ত পুনৰ বিবেচনা কৰিবলৈ অসম চৰকাৰৰ ওচৰত দাবী জনায়।
