Kashmir Accident I কাশ্মীৰত ভয়ংকৰ দুৰ্ঘটনা, নিয়ন্ত্ৰণ হেৰুৱাই দ খাৱৈত গাড়ী বাগৰি নিহত ৬

কাশ্মীৰত (Kashmir) আন এক পথ দুৰ্ঘটনা (Accident)। এইবাৰ কিস্তৱাৰৰ (Kishtwar) দ খাৱৈত বাগৰি পৰে এখন গাড়ী। এই ঘটনাত কমেও ৬ জন লোকৰ মৃত্যু হয়। আন চাৰিজন আহত হয়। উদ্ধাৰকাৰী দল উক্ত স্থানত উপস্থিত হৈ উদ্ধাৰকাৰ্য আৰম্ভ কৰে। দুৰ্ঘটনাটো কেনেকৈ সংঘটিত হ’ল সেয়া অৱশ্যে এতিয়াও স্পষ্ট হোৱা নাই। স্থানীয় সূত্ৰৰ পৰা জানিব পৰা মতে, কিস্তৱাৰৰ ডাংডুৰু মথাউৰি এলেকাত সংঘটিত হৈছে এই দুৰ্ঘটনা।

গাড়ীখনত ডাংডুৰু বিদ্যুৎ কেন্দ্ৰৰ ১০ জন কৰ্মচাৰী আছিল। গাড়ীখন নিয়ন্ত্ৰণ হেৰুৱাই মথাউৰি প্ৰকল্প এলেকাৰ সমীপৰ দ খাৱৈত পৰি যায়।দুৰ্ঘটনাটোৰ সত্যতা স্বীকাৰ কৰাৰ পিছত কিস্তৱাৰ আৰক্ষীয়ে জানিবলৈ দিয়ে যে এখন যাত্ৰীভৰ্তি বাহন খাৱৈত পৰি যায়। আহতসকলক উদ্ধাৰ কৰি চিকিৎসালয়লৈ প্ৰেৰণৰ কাম চলি আছে।

এই দুৰ্ঘটনাত ৬ জন লোকৰ মৃত্যু হৈছে। আহত চাৰিজনক উদ্ধাৰ কৰি চিকিৎসালয়লৈ প্ৰেৰণ কৰা হয়। একাংশ লোকৰ অৱস্থা সংকটজনক। দুৰ্ঘটনাটোৰ খবৰ পাই কেন্দ্ৰীয় মন্ত্ৰী জিতেন্দ্ৰ সিঙে কিস্তৱাৰ আৰক্ষীৰ উপায়ুক্ত দেবংশ যাদৱক ফোন কৰে। তেওঁ কেন্দ্রৰ পৰা সম্ভৱপৰ সকলো সহায়ৰ প্রতিশ্রুতি দিয়ে৷

ক্ৰমান্বয়ে দুৰ্ঘটনা প্ৰৱণ হৈ পৰিছে কিস্তৱাৰ অঞ্চল। যোৱা এপ্ৰিল মাহত এখন সেনাৰ এম্বুলেন্স নিয়ন্ত্ৰণ হেৰুৱাই খাৱৈত পৰি যায়। দুজন জোৱানৰ মৃত্যু হোৱাৰ লগতে আহত হয় তিনিজন জোৱান। স্থানীয় ৰাইজে দাবী কৰিছে যে পথটো প্ৰশস্ত হোৱাৰ বাবে চালকৰ এটা অংশৰ মাজত অসাৱধানতাৰ গতি বৃদ্ধি পাইছে। ফলত পাহাৰীয়া পথত নিয়ন্ত্ৰণ হেৰুৱাইছে।