খটখটীত সন্দেহযুক্ত হেৰইন সহ দুই সৰবৰাহকাৰী আটক আৰক্ষীৰ

 বুধবাৰে পুৱা প্ৰায় ৭ মান বজাত বোকাজান মহকুমাৰ খটখটীত আৰক্ষীৰ নিয়মীয়া নাকা তালাচীত সন্দেহযুক্ত হেৰ’ইন সহ আটক হয় দুই সৰবৰাহকাৰী (Drugs Seized) ৷ প্ৰাপ্ত খবৰ অনুসৰি খটখটী থানাৰ অ’চি ৰমেন বৰদলৈৰ নেতৃত্বত এছআই (পি)স্বমধন স্বৰ্গীয়াৰী আৰু থানা ষ্টাফ সহ খটখটী এছবিআই বেংকৰ ওচৰত নিয়মীয়া নাকা তালাচী চলাওতে এন এল 07EC 5353 নম্বৰৰ মটৰ চাইকেলেৰে আহি থকা দুজন লোকক ৰখাই তালাচী চলায় ৷

তালাচী কালত লোক দুজনৰ লগত থকা এটা বেগৰ ভিতৰৰ পৰা দুটা চাবোনৰ বাকচত লুকুৱাই অনা অৱস্থাত ২৩’০৮০ গ্ৰাম সন্দেহযুক্ত হেৰইন জব্দ কৰিবলৈ সক্ষম হয় ৷ জব্দ হোৱা হেৰ’ইনখিনিৰ সৈতে জৰিত নাগালেণ্ডৰ মোককচং জিলাৰ মাওংকাবা কেচু আৰু ইংকুমালিবা লংকুমাৰক আটক কৰিবলৈ সক্ষম হয় ৷