আন্দোলনকাৰীৰ প্ৰতিবাদৰ মাজতে বাংলাদেশৰ মুখ্য ন্যায়াধীশ (Chief Justice of Bangladesh) ওবাইদুল হাছানে পদত্যাগ (Obaidul Hasan resigns) কৰে। শনিবাৰে বিয়লি বাংলাদেশৰ আইন মন্ত্ৰালয়ে এই পদত্যাগ নিশ্চিত কৰে। হাছানে পদত্যাগ কৰাৰ লগে লগে মহম্মদ আছফাকুল ইছলাম (Mohammad Asfaqul Islam) বাংলাদেশৰ অন্তৱৰ্তীকালীন চৰকাৰৰ (Interim Government of Bangladesh) ভাৰপ্ৰাপ্ত মুখ্য ন্যায়াধীশ (Chief Justice in-charge) হয়।
বাংলাদেশৰ সংবাদ মাধ্যমৰ সূত্ৰ অনুসৰি, আজি পুৱা ১০.৩০ বজাৰ পৰা ঢাকাৰ উচ্চতম ন্যায়ালয়ৰ উচ্চ ন্যায়ালয় সংমণ্ডলৰ বৰ্ধিত ভৱনৰ সন্মুখত মুখ্য ন্যায়াধীশ হাছানৰ পদত্যাগৰ দাবীত প্ৰতিবাদ সাব্যস্ত কৰে। শতাধিক প্ৰতিবাদকাৰীয়ে মুখ্য ন্যায়াধীশকে ধৰি আপীল বিভাগৰ ৭জন ন্যায়াধীশৰ পদত্যাগৰ দাবী উত্থাপন কৰে। ফলত প্ৰায় ১.৩০ বজাত মুখ্য ন্যায়াধীশ হাছানে পদত্যাগ কৰে।
জানিব পৰা মতে, হাছানৰ উপৰি আপীল বিভাগৰ পাঁচজন ন্যায়াধীশে আজি পদত্যাগ কৰিব পাৰে। ইয়াৰ পিছত খৰখেদাকৈ ভাৰপ্ৰাপ্ত মুখ্য ন্যায়াধীশৰ নাম ঘোষণা কৰা হয়। ইয়াৰ দায়িত্ব দিয়া হৈছে মহম্মদ আছফাকুল ইছলামক। ইয়াৰ পূৰ্বে আছফাকুলে বাংলাদেশৰ উচ্চতম ন্যায়ালয়ৰ আপীল বিভাগৰ ন্যায়াধীশ হিচাপে কাম কৰিছিল।
