ধনশিৰি নদীত এজন অচিনাক্ত লোকৰ মৃতদেহ উদ্ধাৰ, চিনাক্ত কৰণৰ বাবে ৭২ ঘণ্টা সময় ডিএমচিএইছৰ মৰ্গত সংৰক্ষণৰ ব্যৱস্থা

সোমবাৰে পুৱা প্ৰায় ১১ মান বজাত কাৰ্বি আংলং জিলাৰ ধনশিৰি আৰক্ষী চকীৰ অন্তৰ্গত লালটিঙৰ ধনশিৰি নদীত মৃত অৱস্থাত এজন পুৰুষ লোকৰ মৃতদেহ উদ্ধাৰ হোৱা ঘটনাত তীব্ৰ চাঞ্চল্যৰ সৃষ্টি হৈছে ৷

আৰক্ষীৰ সূত্ৰে জানিব পৰা অনুসৰি আজি পুৱাৰ ভাগত উক্ত মৃতদেহৰ কথা গম পাই ধনশিৰি আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰিবলৈ সক্ষম হয় ৷ মৃতদেহটো পিন্ধনত নীলা ৰঙৰ পেণ্ট আৰু পাতল হালধীয়া ৰঙৰ জাৰ্চী পৰিহিত আছিল ৷

মৃতদেহটো উদ্ধাৰ কৰি আৰক্ষীয়ে দণ্ডাধীশৰ হতুৱাই চুৰৎহাল কৰাৰ পাছত মৰণোত্তৰ পৰীক্ষা কৰাই চিনাক্ত কৰণৰ বাবে ৭২ ঘণ্টা সময় ডিফু মেডিকেল কলেজ ও হাস্পাতাল চমুকৈ ডিএমচিএইছত মৰ্গত সংৰক্ষণ কৰাৰ ব্যৱস্থা গ্ৰহণ কৰা হৈছে বুলি জানিবলৈ দিছে আৰক্ষীয়ে ৷