তিনি বছৰত ৫৪৩ কোটি টকাৰ লোকচান হৈছে ভাৰতীয় ৰে’লৱেৰ (Indian Railway)। এই কথা দাবী কৰিছে লোকসভাৰ নিৰীক্ষণ প্ৰতিবেদনৰ নিয়ন্ত্ৰক আৰু মহানিৰীক্ষক চমুকৈ কেগৰ প্ৰতিবেদনে।
প্ৰতিবেদনত তেওঁলোকে ২০২০ চনৰ পৰা ২০২৩ চনৰ মাৰ্চলৈকে ৰে’লৱেৰ লাভ-লোকচানৰ হিচাপ পৰীক্ষা কৰে। সোমবাৰে লোকসভাত এই প্ৰতিবেদন দাখিল কৰা হয়। কেগে প্ৰতিবেদনত মুঠ ২৫টা ঘটনাৰ ওপৰত আলোকপাত কৰিছে, য’ত ৰে’লৱেৰ আৰ্থিক লোকচান হৈছে।
ৰে’লৱেৰ আৰ্থিক লোকচানৰ মূল কাৰণ আছিল বিভিন্ন স্থানৰ পৰা সম্পূৰ্ণ ধন সংগ্ৰহ কৰিব নোৱৰা, অপ্ৰয়োজনীয় খৰচ, অব্যৱস্থাপনা আৰু ৰাজহৰ অভাৱ। কেগৰ প্ৰতিবেদন অনুসৰি, বিভিন্ন সময়ত বিভিন্ন ৰে’ল সংস্থাই নিয়ম উলংঘা কৰিছিল। যাৰ বাবে এই অপ্ৰয়োজনীয় খৰচ বা ৰাজহৰ অভাৱ ঘটিছিল।
ইয়াৰে আটাইতকৈ উল্লেখযোগ্য হ’ল উত্তৰ ৰে’লৱেৰ ঘাটি। পাঁচখন চৰকাৰী বিদ্যালয়ৰ পৰা ভূমি অনুজ্ঞাপত্ৰৰ বাবে ১৪৮.৬১ কোটি টকা সংগ্ৰহ কৰাত ব্যৰ্থ হয়। উত্তৰ ৰে’লৱেক এই মাটিৰ বজাৰ মূল্যৰ ৬ শতাংশ সংগ্ৰহ কৰিবলৈ স্পষ্ট নিৰ্দেশ দিয়া হৈছিল। কেগৰ প্ৰতিবেদনত ৰে’লৱেয়ে সংগ্ৰহ কৰাত ব্যৰ্থ হোৱা এইটোৱেই হৈছে সৰ্বাধিক ধন।
কেগৰ প্ৰতিবেদনত ৯টা জ’নেল ৰে’লৱেয়ে ধন আদায় কৰাত ব্যৰ্থ হোৱাৰ অভিযোগো উত্থাপন কৰা হৈছে। দক্ষিণ-পূব, দক্ষিণ-পশ্চিম, উত্তৰ-মধ্য, পূব উপকূল, পূব, উত্তৰ-পশ্চিম, দক্ষিণ-পূব-মধ্য, পশ্চিম-মধ্য আৰু মধ্য ৰে’লৱেয়ে সামূহিকভাৱে ৫৫.৫১ কোটি টকা আদায় কৰাত ব্যৰ্থ হৈছে। ঠিকাদাৰৰ পৰা ৫৫.৫১ কোটি টকা আদায় কৰাত ব্যৰ্থ হৈছে জিলা খনিজ ফাউণ্ডেচন।
এই ডি এম এফৰ ধন ৰে’লৱেৰ খননৰ কামত ক্ষতিগ্ৰস্ত লোক বা অঞ্চলৰ স্বাৰ্থ ৰক্ষাৰ বাবে ব্যৱহাৰ কৰা হয়। ইয়াৰ বাহিৰেও ইষ্ট চেণ্ট্ৰেল ৰে’লৱেৰ গাফিলতিৰ বাবে ভাৰতীয় ৰে’লৱেৰ আৰু ৫০.৭৭ কোটি টকাৰ লোকচান হৈছে৷
কেগৰ প্ৰতিবেদন অনুসৰি, দক্ষিণ ৰে’লৱে আৰু ইণ্টিগ্ৰেল ক’চ ফেক্টৰীয়ে বিশেষজ্ঞৰ পৰামৰ্শ নোলোৱাকৈ আৰু পৰ্যাপ্ত কাৰিকৰী মূল্যায়ন নকৰাকৈ নীলগিৰি পৰ্বত ৰে’লৱেৰ বাবে ২৮ মিটাৰ গেজ ডবা নিৰ্মাণ কৰিছে। ইয়াৰ বাবে ২৭.৯১ কোটি টকা খৰচ হয়।
দক্ষিণ কেন্দ্ৰীয় ৰে’লৱেয়ে অতিৰিক্ত ২৩.১৬ কোটি টকা ব্যয় কৰাৰ অভিযোগ, যিটো এৰাই চলিব পৰা গ’লহেঁতেন। কেন্দ্ৰীয় ৰে’লৱেয়ে পশ্চিম ডেডিকেটেড ফ্ৰেইট কৰিডৰত অতিৰিক্ত ১৫.৬২ কোটি টকা ব্যয় কৰিছে। ব্যয়ৰ নিৰ্দেশনা মানি চলাত ব্যৰ্থ হৈছে।
