ৰাজস্থান ৰয়েলছৰ অধিনায়ক (Captain of the Rajasthan Royals) ৰিয়ান পৰাগক (Riyan Parag) শাস্তি প্ৰদান (Punishment)। আইপিএলৰ মেচ (IPL Match) চলি থকা অৱস্থাত ড্ৰেচিং ৰুমত ই-চিগাৰেট হুপি (E-cigarette smoke) থকাৰ ভিডিঅ’ প্ৰকাশ হোৱাৰ পিছতে এই পদক্ষেপ। মঙলবাৰে পঞ্জাব কিংছৰ বিৰুদ্ধে অনুষ্ঠিত মেচখনত ড্ৰেছিং ৰুমৰ ভিতৰত ই-চিগাৰেট হুপিছিল ৰিয়ান পৰাগে। এই ঘটনা ধৰা পৰাৰ পিছত জৰিমনা হিচাপে তেওঁৰ মেচ-ফিৰ ২৫ শতাংশ কৰ্তম কৰা হৈছে। লগতে তেওঁক এক ‘ডিমেৰিট পইণ্ট’ অৰ্থাৎ অযোগ্যতাৰ পইণ্ট দিয়া হৈছে।
এই সন্দৰ্ভত আইপিএলৰ এক প্ৰেছ বিবৃতিত কোৱা হৈছে যে ৰাজস্থান ৰয়েলছৰ অধিনায়ক ৰিয়ান পৰাগে বৰ্তমান চলি থকা টাটা আইপিএলৰ ৪০ সংখ্যক মেচত পঞ্জাব কিংছৰ বিৰুদ্ধে আইপিএলৰ খেলুৱৈ আৰু দলীয় বিষয়াৰ আচৰণ বিধিৰ পৰ্যায় ১ ভংগ কৰিছে।
এই বিধি ভংগ কৰাৰ বাবে তেওঁৰ মেচ-ফিৰ ২৫% জৰিমনা বিহাৰ লগতে এটা ‘ডিমেৰিট পইণ্ট’ দিয়া হৈছে। বিবৃতিটোত লগতে কোৱা হৈছে যে ৰিয়ান পৰাগে আইপিএলৰ আচৰণ বিধিৰ ২.২১ অনুচ্ছেদ উলংঘা কৰাটো ধৰা পৰিছে । এই অনুচ্ছেদ অনুযায়ী তেওঁ ‘খেলখনক বদনাম কৰা আচৰণ’ৰ সৈতে জড়িত।
দ্বিতীয় ইনিংছৰ সময়ত ৰিয়ান পৰাগে ড্ৰেছিং ৰুমৰ ভিতৰত ই-চিগাৰেট হুপি থকা দেখা গৈছিল বুলি উল্লেখ কৰা হৈছে। ইফালে ৰিয়ানে তেওঁৰ অপৰাধ স্বীকাৰ কৰাৰ লগতে মেচ ৰেফাৰী অমিত শৰ্মাই বিহা শাস্তি স্বীকাৰ কৰে। উল্লেখ্য যে এতিয়ালৈকে খেলা ৯ খন মেচৰ ভিতৰত আৰআৰে ছয়খনত জয়েৰে ১২ পইণ্ট লৈ পইণ্ট তালিকাত চতুৰ্থ স্থানত আছে যদিও ৰিয়ানৰ বেট একেবাৰে শান্ত হৈ আছে। তেওঁ ৯ খন মেচত ১৪.৬২ গড় আৰু ১২৪.৪৬ ষ্ট্ৰাইক ৰেটেৰে মাত্ৰ ১১৭ ৰাণহে সংগ্ৰহ কৰিছে। তেওঁৰ সৰ্বোচ্চ স্ক’ৰ হৈছে মাত্ৰ ২৯ ৰাণ।
