আজি মুখ্যমন্ত্ৰী পদৰ (Chief Minister post) পৰা আনুষ্ঠানিকভাৱে পদত্যাগ (Formally resign) কৰে ডঃ হিমন্ত বিশ্ব শৰ্মাই (Himanta Biswa Sarma)৷ ৰাজ্যপালৰ হাতত পদত্যাগ-পত্ৰ অৰ্পণ কৰি তেওঁ নতুন চৰকাৰ গঠনৰ বাবেও ৰাজ্যপালৰ পৰা অনুমতি বিচাৰে৷ অৱশ্যে সাংবিধানিক বিধি অনুসৰি তেওঁ ৰাজ্যৰ ভাৰপ্ৰাপ্ত মুখ্যমন্ত্ৰীৰ দায়িত্বত থাকিব।
উল্লেখ্য যে অসম বিধানসভাৰ বাবে এনডিএৰ বিধায়িনী দলৰ নেতা নিৰ্বাচনৰ বাবে ইতিমধ্যে বিজেপিয়ে জেপি নাড্ডা আৰু নায়াব সিং ছেইনীক দায়িত্ব অৰ্পণ কৰিছে। তেওঁলোকৰ উপস্থিতিত অনুষ্ঠিত বিধায়িনী দলৰ বৈঠকত নেতা নিৰ্বাচন কৰা হ’ব৷ আনহাতে, মুখ্যমন্ত্ৰীয়ো জানিবলৈ দিয়া মতে, অহা ১১ মে’ৰ পাছত অসমত নতুন চৰকাৰে শপত গ্ৰহণ কৰাৰ সম্ভাৱনা আছে৷ অৱশ্যে এই শপত গ্ৰহণত মুখ্যমন্ত্ৰীৰ উপৰি আন কোনে শপত ল’ব সেইটো নিশ্চিত হোৱা নাই।
