কাৰ্বি আংলং (Karbi Anglong) জিলাৰ বকলীয়াঘাট (Bokolia Ghat) চাম পথাৰত এজন যুৱকক দুৰ্বৃত্তৰ অতৰ্কিতে আক্ৰমণ (man was attacked by ruffians without reason)। এই ঘটনাত অঞ্চলটোত চাঞ্চল্যৰ সৃষ্টি হৈছে। জানিব পৰা মতে, বুধবাৰে সন্ধিয়া দুই দুৰ্বৃত্তই চোকা অস্ত্ৰৰে এজন লোকক আক্ৰমণ কৰে। এই ঘটনাত তেওঁ গুৰুতৰভাৱে আহত হয়।
আনহাতে, আক্ৰমণৰ ঘটনা সংঘটিত কৰিয়ে দুৰ্বৃত্তই পলায়ন কৰে। অৱশ্যে কোনে কি কাৰণত এই আক্ৰমণৰ ঘটনা সংঘটিত কৰিলে সেয়া এই পৰ্যন্ত জানিব পৰা হোৱা নাই। ইফালে পৰিয়ালৰ লোকৰ পৰা জানিব পৰা মতে, ঘটনাৰ দিনা সন্ধিয়া সঞ্জীৱ টেৰণ (Sanjeev Teron) নামৰ যুৱকজনে খোজকাঢ়ি গৈ থকা অৱস্থাত মটৰচাইকেলত অহা দুই দুৰ্বৃত্তই তেওঁক চোকা অস্ত্ৰৰে আক্ৰমণ কৰি পলায়ন কৰে।
এই ঘটনাৰ খবৰ পোৱাৰ পিছত বকলীয়াঘাট আৰক্ষী ঘটনাস্থলীত উপস্থিত হৈ তদন্ত প্ৰক্ৰিয়া আৰম্ভ কৰে আৰু আক্ৰমণকাৰীৰ সন্ধানত আৰক্ষীয়ে অভিযান অব্যাহত ৰাখিছে। আনহাতে, আহত সঞ্জীৱক ডিফু মেডিকেল কলেজ হাস্পতাললৈ পেৰণ কৰা হয়।
কিন্তু শেহতীয়াকৈ জানিব পৰা গৈছে যে দুর্বৃত্তৰ আক্ৰমণত আহত সঞ্জীৱৰ মৃত্যু (death of the injured Sanjiv) হৈছে। আনহাতে, ঘটনাৰ তদন্ত আৰম্ভ কৰি আৰক্ষীয়ে নিহত সঞ্জীৱৰ ভতিজাকক আটক কৰিছে। সমগ্ৰ ঘটনাটো পাৰিবাৰিক কন্দলৰ পৰিণতি বুলি সন্দেহ কৰা হৈছে।
