ডিফু আৰক্ষীয়ে (Diphu police) ড্ৰাগছ বিৰোধী অভিযান (Anti-drug campaign) চলায় গোপন সূত্ৰৰ পম খেদি ডিফুৰ বিৰলাত অঞ্চলৰ পৰা বৃহৎ পৰিমাণৰ সন্দেহযুক্ত নিচাজাতীয় টেবলেট তথা ড্ৰাগছ জব্দ (Drugs seized) কৰে। লগতে ড্ৰাগছৰ লগত জৰিত দুজন ব্যক্তিকো আৰক্ষীয়ে আটক কৰে।
এটা ভাড়াঘৰত গুদামৰ ৰূপ দি মজুত কৰি ৰখা হৈছিল ড্ৰাগছৰ তথা নিচা জাতীয় টেবলেটৰ এক বিশাল ভঁৰাল।
আৰক্ষীৰ কোনো বৈধ প্ৰেছক্ৰিপচন অবিহনেই অবৈধভাৱে সংগ্ৰহ কৰি ৰখা হৈছিল NDPS আইনৰ Schedule-I অধীনস্থ সাইকোট্ৰপিক পদাৰ্থযুক্ত এই নিষিদ্ধ ঔষধসমূহ। জিলাখনক ট্ৰেনজিট ৰুট হিচাপে ব্যৱহাৰ কৰি মণিপুৰ, ডিমাপুৰ আৰু হোজাইৰ পৰা এই অবৈধ সামগ্ৰীসমূহ সৰৱৰাহ কৰাৰ সন্দেহ প্ৰকাশ কৰিছে আৰক্ষীয়ে।
