দিল্লীত CJPৰ প্ৰতিবাদৰ মাজতে মেট্ৰ’, ৰে’ল আৰু ইণ্টাৰনেট সেৱা (Internet service) স্বাভাৱিক ৰখাৰ নিৰ্দেশ (Instructions to stay natural) দিছে উচ্চতম ন্যায়ালয়ে (Supreme Court)। নাগৰিকৰ চলাচল আৰু শান্তিপূৰ্ণ সমাৱেশৰ ওপৰত আৰোপ কৰা বাধা আইনসন্মত হ’ব লাগিব বুলিও আদালতে স্পষ্ট কৰিছে।
দিল্লীত চলাচল আৰু প্ৰতিবাদৰ অধিকাৰৰ ওপৰত আৰোপ কৰা নিষেধাজ্ঞাক প্ৰত্যাহ্বান জনোৱা আবেদনৰ শুনানিত দেওবাৰে আদালতে এই নিৰ্দেশ দিয়ে। মেট্ৰ’ আৰু ৰে’ল সেৱা স্বাভাৱিকভাৱে চলাই ৰাখিবলৈ কোৱাৰ লগতে জনশৃংখলাৰ বিঘিনি বিবেচনা কৰি প্ৰয়োজনীয় আইনসন্মত নিয়ন্ত্ৰণ আৰোপৰ সুযোগো ৰাখিছে আদালতে।
ইণ্টাৰনেট সেৱা অব্যাহত ৰখাৰ নিৰ্দেশৰ ক্ষেত্ৰতো আদালতে স্পষ্ট কৰিছে যে তথ্যপ্ৰযুক্তি আইনৰ অধীনত থকা ক্ষমতা এই নিৰ্দেশে কাঢ়ি লোৱা নাই। অৰ্থাৎ, মেট্ৰ’ বা ইণ্টাৰনেটৰ ওপৰত সকলো পৰিস্থিতিতে নিষেধাজ্ঞা আৰোপ কৰিব নোৱাৰিব বুলি আদালতে সম্পূৰ্ণ নিষেধাজ্ঞা জাৰি কৰা নাই।
আদালতে লগতে কয় যে আইনী প্ৰক্ৰিয়া অবিহনে কাকো আটক কৰিব নোৱাৰিব। বিশেষকৈ ভাৰতীয় নাগৰিক সুৰক্ষা সংহিতাৰ ১৬৩ ধাৰা বলৱৎ নথকা অঞ্চলত শান্তিপূৰ্ণভাৱে সমৱেত হোৱা নিৰস্ত্ৰ লোকৰ ক্ষেত্ৰত এই নিৰ্দেশ প্ৰযোজ্য। যান-বাহনৰ নিয়ম সাপেক্ষে নাগৰিকৰ চলাচল নিশ্চিত কৰিবলৈ আৰু বেৰিকেডৰ প্ৰয়োজনীয়তা অবিলম্বে পুনৰীক্ষণ কৰিবলৈও কৰ্তৃপক্ষক নিৰ্দেশ দিয়া হৈছে।
