দিল্লী আৰক্ষীৰ কেইবা হাজাৰ আৰক্ষী বিষয়াক শ্ৰেণীকোঠাত পাঠদান কৰা হৈছে। তাত হ’ব বিশেষ আদব-কায়দা (ছফ্ট স্কিল)। সাধাৰণ মানুহৰ লগত আৰক্ষীৰ সম্পর্ক মসৃণ কৰিবলৈ নতুন পদক্ষেপ গ্ৰহণ কৰিছে দিল্লীৰ আৰক্ষীয়ে। বহু সময়ত ক্ষুব্ধ জনতাৰ ৰোষত পৰিছে আৰক্ষীসকল।
সেই পৰিস্থিতি আহিলে কেনেদৰে উত্তেজিত জনতাক ক্ষান্ত কৰিব পাৰি, সেই বিষয়ে দিল্লীৰ আৰক্ষী বাহিনীক বিশেষ আদব-কায়দাৰ প্রশিক্ষণ দিয়াৰ সিদ্ধান্ত লোৱা হৈছে।
প্রায় ৩৫ হাজাৰ আৰক্ষী বিষয়াক ‘ছফ্ট স্কিলৰ’ প্রশিক্ষণ দিয়াৰ সিদ্ধান্ত লৈছে দিল্লীৰ আৰক্ষী অধীক্ষক ৰাকেশ আস্থানাই। এই ক্ষেত্ৰত ৩৬০ জন প্রশিক্ষকক দায়িত্ব দিয়া হৈছে। এই ধৰণৰ প্রশিক্ষণত আৰক্ষী বাহিনীৰ নতুন দিগন্ত আহিব বুলি আশাবাদী অধীক্ষকগৰাকী। এই ধৰণৰ উদ্যোগত আগন্তুক ১০ বছৰত দিল্লী আৰক্ষী ‘আদর্শ আৰক্ষী বাহিনী’ত পৰিণত হ’ব বুলি কয় কেন্দ্রীয় স্বৰাষ্ট্র সচিব অজয় ভাল্লাই।
এক সর্বভাৰতীয় সংবাদ মাধ্যমৰ সূত্রৰ খবৰ অনুযায়ী, ট্রেফিক পুলিচ, আৰক্ষী নিয়ন্ত্ৰণ ৰুম আৰু প্রায় ২০০খন থানাৰ আৰক্ষী বিষয়াক এই বিশেষ প্রশিক্ষণ দিয়া হ’ব। এই কর্মসূচীৰ নাম দিয়া হৈছে ‘মিছন কর্মযোগী’। ৰাকেশে কয়, ‘‘এই প্রশিক্ষণৰ ফলত আৰক্ষী বিষয়াসকলৰ দক্ষতা যিমানেই বাঢ়িব, সিমানেই জনসাধাৰণৰ মাজত আৰক্ষী বাহিনীৰ সম্পর্কে থকা ধাৰণা সলনি হ’ব।’’
