ASSAM TIMES POST
অজন্তা তালুকদাৰ, বোকাখাত : নগাঁও জিলাৰ চামগুৰিৰ পৰা বাইকেৰে আহি থকা অৱস্থাত দুই যুৱকৰ বোকাখাতৰ ওচৰত ৩৭ নম্বৰ ৰাষ্ট্ৰীয় ঘাইপথৰ ইকৰাজানত দুৰ্ঘটনাগ্ৰস্ত হয়। ৰূপহী হাট, চামগুৰিৰ আব্দুল ওমানৰ পুত্ৰ অমালুদ্দিন(২৯) আৰু কাৱৈমাৰি, নগাঁৱৰ জাগিৰ হুচেইন,পিতা-মহম্মদ ইমান হুছেইনে চাইকেল আৰোহি ইকৰাজান লখৌজানৰ ৰবীন মুণ্ডাক পিছফালৰ পৰা খুন্দা মাৰে।
পুৱা ৯:৩০ বজাত সংঘটিত দুৰ্ঘটনাত অমালুদ্দিনে সোঁ চকুত কিছু আঘাট পায় যদিও বোকাখাতৰ চিকিৎসালয়ৰ চিকিৎসকে ভিতৰত আঘাতৰ সন্দেহ কৰে। হাস্পিটাললৈ অনালৈকে সজ্ঞানে কথা পাতি থকা অমালুদ্দিনৰ প্ৰায় এঘণ্টাৰ পিছত গুৰুতৰভাবে অসুস্থ হৈ পৰি চিকিৎসা প্ৰদান কৰি থকা অৱস্থাতে মৃত্যু ঘটে। জাগিৰ হুছেইন আৰু ৰবীন মুণ্ডাৰ আঘাত সামান্য বুলি জানিব পৰা গৈছে।
