বৰ্তমান অসমৰ আকাশে-বতাহে নিৰ্বাহনী পৰিৱেশ। দিন আগবঢ়াৰ লগে লগে প্ৰতিটো ৰাজনৈতিক দলে নিজৰ নিজৰ নিৰ্বাচনী প্ৰচাৰ (Election campaign) তীব্ৰতৰ কৰি তুলিছে। ৰাজ্যৰ দুটাকৈ প্ৰধান ৰাজনৈতিক দল শাসকীয় বিজেপি আৰু বিৰোধী কংগ্ৰেছে নিৰ্বাচনী প্ৰচাৰত অংশগ্ৰহণ কৰিবলগীয়া ষ্টাৰ কেম্পেইনাৰৰ তালিকা ঘোষণা কৰিছে। সেই অনুসৰি অসমত নিৰ্বাচনী প্ৰচাৰৰ বাবে অহা ৫ এপ্ৰিলত আহিব প্ৰধানমন্ত্ৰী নৰেন্দ্ৰ মোদী (Narendra Modi)। জানিব পৰা মতে, ১ এপ্ৰিলত প্ৰধানমন্ত্ৰীয়ে বিহালীত বিশ্বনাথ জিলাৰ আটাইকেইটা সমষ্টিৰ প্ৰাৰ্থীৰ হৈ নিৰ্বাচনী প্ৰচাৰ চলাব।
ইয়াৰ লগতে ধেমাজি আৰু লখিমপুৰ জিলাৰ প্ৰাৰ্থীসকলৰ হৈ প্ৰধানমন্ত্ৰীয়ে গোগামুখত প্ৰচাৰ চলাব। ইয়াৰ উপৰি ৫ এপ্ৰিলত পুনৰ নিৰ্বাচনী প্ৰচাৰৰ বাবে অসমলৈ আহিব প্ৰধানমন্ত্ৰী নৰেন্দ্ৰ মোদী। সেইদিনা তেওঁ দুখনকৈ প্ৰচাৰ সভাত অংশগ্ৰহণ কৰিব৷ ডিব্ৰুগড় আৰু তিনিচুকীয়া জিলাৰ প্ৰাৰ্থীসকলৰ হৈ তেওঁ মৰাণত নির্বাচনী প্ৰচাৰ চলোৱাৰ লগতে হোজাই আৰু লামডিঙতো প্ৰচাৰ চলাব বুলি জানিব পৰা গৈছে।
