পশ্চিম কাৰ্বি আংলং (West Karbi Anglong) জিলাৰ অভিভাৱক মন্ত্ৰী (Guardian Minister) পীয়ুষ হাজৰিকাৰ (Pijush Hazarika) হামৰেণ ভ্রমণ৷ কৃষি আৰু জলসিঞ্চন বিভাগৰ মন্ত্ৰী পীয়ুষ হাজৰিকা কালি নিশা হাফলঙৰ পৰা আহি ডংকামোকামত উপস্থিত হয়৷ ডংকামোকামত তেওঁ আজি পুৱাৰে পৰা
কৃষি-জলসিঞ্চনৰ বহু আাঁচনিৰ ক্ষেত্ৰ পৰিদৰ্শন কৰে। ইয়াৰ পিছত হামৰেণলৈ ৰাওনা হয়৷ লগতে তেওঁ লোকনিৰ্মাণ বিভাগ, জলসিঞ্চন বিভাগ আৰু কৃষি বিভাগৰ বিষয়া-কৰ্মচাৰীসকলৰ সৈতে এক বৈঠকত মিলিত হৈ জিলাখনত কৃষিজাত সামগ্ৰীৰ উৎপাদন বৃদ্ধিৰ লগতে কৃষি খণ্ডৰ উন্নয়নৰ বাবে গ্ৰহণ কৰিবলগীয়া বিভিন্ন পদক্ষেপৰ বিষয়ে আলোচনা কৰা হয়।
লগতে কৃষকসকলক স্বাৱলম্বী কৰি তুলিবলৈ আৰু তেওঁলোকৰ উপাৰ্জন বৃদ্ধিৰ বাবে গ্ৰহণ কৰিব পৰা ব্যৱস্থা সন্দৰ্ভত মন্ত্ৰীগৰাকীয়ে বিশেষ গুৰুত্ব প্ৰদান কৰে।
আনহাতে, হামৰেণত প্ৰায় ২০ কোটি টকা ব্যয়সাপেক্ষে নিৰ্মাণ হ’বলগীয়া দ্বিতীয়টো আৱৰ্ত ভৱনৰ আধাৰ শিলান্যাস কৰে৷
নিজৰ ভ্ৰমণৰ সময়ত মন্ত্ৰীগৰাকীয়ে উল্লেখ কৰে যে জিলাখনৰ কৃষি খণ্ডৰ বিকাশ, কৃষকৰ স্বাৱলম্বিতা আৰু আন্তঃগাঁথনি উন্নয়ন আদি বিষয়সমূহে বিশেষ গুৰুত্ব লাভ কৰিব।
