ASSAM TIMES POST
বিভাস দুৱৰা,ডিব্ৰুগড়ঃ ৰাষ্ট্ৰীয় শৰীৰ চৰ্চা প্ৰতিযোগিতাত ডিব্ৰুগড়ৰ বোৱাৰী নিকী দুৱাৰ সাফল্যই ডিব্ৰুগড়লৈ গৌৰব কঢ়িয়াই আনিলে। ৰাষ্ট্ৰীয় পৰ্যায়ত তিনিটাকৈ খিতাপ জিনি বোৱাৰী নিকী দুৱৰাৰ এনে সাফল্যত সকলোৱে ভূয়সী প্ৰসংশা কৰিছে।কেৰেলাৰ কোচিত অনুষ্ঠিত ৰাষ্ট্ৰীয় পৰ্যায়ৰ শৰীৰ চৰ্চাত Miss Bikini Model India ২০১৯ খিতাপ দখল কৰাৰ লগতে আন দুটা শাখাটো লাভ কৰিছে খিতাপ।
আজি দুপৰীয়া ডিব্ৰুগড়ৰ মোহনবাৰী বন্দৰত উপস্থিত হোৱাৰ পাছতে নিকীক অগণন শুভাকাংশী আৰু পৰিয়াল-আত্ময়ীই বিপুলভাবে আদৰণি জনায়।National Amateur Body Building Association & World Fitness Federation of Indiaৰ উদ্যোগত অনুষ্ঠিত “Mr & Ms India” National Bodybuilding & Fitness Championship
প্ৰতিযোগিতাত নিকী দুৱৰাই “Miss Bikini Model India 2019” খিতাপ দখল কৰাৰ লগতে Women Fitness শাখাত দ্বিতীয় আৰু Women Qparts Model শাখাটো দ্বিতীয় স্থান দখল কৰি ডিব্ৰুগড়ৰ লগতে ৰাজ্যলৈ গৌৰৱ কঢ়িয়াই আনে।
যোৱা ১৯ অক্টোবৰৰ পৰা কেৰেলাৰ কুচিত অনুষ্ঠিত হোৱা ৰাষ্ট্ৰীয় প্ৰতিযোগিতাত অংশগ্ৰহণ কৰি সাফল্য কঢ়িয়াই আজি ডিব্ৰুগড়ৰ মোহনবাৰী বিমানবন্দৰত উপস্থিত হোৱা এইগৰাকী মহিলা শৰীৰ চর্চা খেলুৱৈয়ে ইতিমধ্যে ডিব্ৰুগড় আৰু তিনিচুকীয়া জিলাত অনুষ্ঠিত হোৱা এনএবিবিএ য়ুএফএফ ৰ দ্বাৰা অনুষ্ঠিত হোৱা প্ৰতিযোগিতাত ফিটনেচ শাখাত দ্বিতীয়, বিকিনি আৰু স্পট মডেল শাখাত প্ৰথম স্থান লাভ কৰি ডিব্ৰুগড় জিলালৈ গৌৰৱ কঢ়িয়াই আনিবলৈ সক্ষম হৈছিল।খোৱাং কুটুহা গাঁওৰ নিবাসী বিদ্যাধৰ দুৱৰা আৰু তৰুনী দুৱৰাৰ কন্যা তথা ডিব্ৰুগড়ৰ পশ্ছিম মিলন নগৰৰ যোগেন পাঠক আৰু ভাৰতী পাঠকৰ বোৱাৰী তথা দেৱজিত পাঠকৰ পত্নী নিকী দুৱৰাই দৈনিক প্ৰেক্টিছ আৰু খোৱা বোৱাৰ ক্ষেত্ৰত বিশেষ গুৰুত্ব প্ৰদান কৰাৰ বাবেই এনেদৰে সফল হ’বলৈ সক্ষম হৈছে বুলি ব্যক্ত কৰি আন আন মহিলা বা যুৱতী সকলকো নিয়মিত শৰীৰ চৰ্চা কৰিবলৈ আহ্বান জনায়।
সুস্বাস্থ্য তথা নিৰোগী হৈ থকাৰ এটা প্ৰধান উপায় নিয়মিত শৰীৰ চৰ্চা বুলিও ব্যক্ত কৰি এই সাফল্যত যথেষ্ট আনন্দিত বুলি সদৰি কৰে।বিগত ছেপ্টেম্বৰ মাহত তিনিচুকীয়া জিলাৰ মাঘেৰিটাত অনুষ্ঠিত হোৱা ৰাজ্যিক পৰ্য্যায়ৰ প্ৰতিযোগিতাত ফিটনেচ আৰু স্পটচ মডেল শাখাত প্ৰথম স্থান লাভ কৰি কেৰেলাৰ কোচিত অনুষ্ঠিত হোৱা ৰাষ্ট্ৰীয় পৰ্য্যায়ৰ প্ৰতিযোগিতালৈ নিৰ্বাচিত হোৱা নিকী অহা ডিচেম্বৰ মাহত বেংগালোৰত এছিয়াৰ ভিত্তিত অনুষ্ঠিত হ’ব লগা শৰীৰ চৰ্চা প্ৰতিযোগিতা খনত ভাৰতৰ হৈ প্ৰতিনিধিত্ব কৰাৰ বাবে প্ৰস্তুতি চলোৱাৰ বিষয়েও সাংবাদিকক জানিবলৈ দিয়ে।
এগৰাকী বোৱাৰী হৈ এই শৰীৰ চৰ্চাৰ ক্ষেত্ৰত নিকী দুৱৰাই তেওঁৰ স্বামী, শহুৰ আৰু শাহুয়েকে বিশেষ ভাবে উৎসাহিত কৰা বুলি অৱগত কৰি যাৰ বাবে আজি ৰাষ্ট্ৰীয় পৰ্যায়ত খেলিবলৈ সুবিধা পাইছে বুলি অতি উল্লাহৰে অৱগত কৰে। নিকী দুৱাৰৰ এই সাফল্যত ডিব্ৰুগড়ৰ শৰীৰ চৰ্চা কৰা খেলুৱৈ সকল যথেষ্ঠ উৎসাহিত হৈ পৰিছে।
