নাবালিকাক যৌন নিৰ্যাতন (Sexual Harassment) চলোৱাৰ অভিযোগত অভিযুক্ত যুৱকক জামিন প্ৰদান আদালতৰ। যোৱা ১০ ফেব্ৰুৱাৰীত ব’ম্বে উচ্চ ন্যায়ালয়ৰ (Bombay High Court) নাগপুৰ বিচাৰপীঠে যুৱকজনক জামিন প্ৰদান কৰে। সোমবাৰে আদালতৰ নিৰ্দেশৰ বিশদ প্ৰতিবেদন প্ৰকাশ কৰে।
নাবালিকাৰ পিতৃয়ে এজাহাৰত উল্লেখ কৰিছে যে তেওঁৰ কন্যাই কেইবাদিনো অটোচালকৰ অটোত পঢ়িবলৈ গৈছিল। ইয়াৰ পিছত তেওঁ অটোত উঠা বন্ধ কৰি দিয়ে। অভিযোগ অনুসৰি, তেতিয়াৰ পৰাই প্ৰায় প্ৰতিদিনে অটোচালকজনে ছোৱালীজনীৰ পিছে পিছে গৈছিল। বাৰে বাৰে কৰা নিষেধাজ্ঞাৰ মাজতো তেওঁ ছোৱালীজনীৰ পিছে পিছে খেদি ফুৰিছিল। ১ নৱেম্বৰত অটোচালকজনে ছোৱালীজনীৰ হাতত ধৰি জনায় যে তেওঁ ছোৱালীজনীক ভালপায়। ইয়াৰ পিছতে পিতৃ আৰক্ষীৰ কাষ চাপে।
আৰক্ষীয়ে গ্ৰেপ্তাৰ কৰাৰ সময়ত অটোচালকজন গ্ৰেপ্তাৰৰ পৰা হাত সাৰিবলৈ আদালতলৈ গৈছিল। এই গোচৰত ব’ম্বে উচ্চ ন্যায়ালয়ৰ ন্যায়াধীশ ভাৰতী ডাংগৰৰ (Bharati Dangre) পৰ্যবেক্ষণ, এইটো কোনো যৌন নিৰ্যাতনৰ গোচৰ নহয়। কাৰণ ছোৱালীজনীৰ হাত স্পৰ্শ কৰাৰ সময়ত অটোচালকজনৰ কোনো যৌন অভিপ্ৰায় নাছিল। ছোৱালীজনীৰ বিবৃতি অনুসৰি, অটোচালকজনে ছোৱালীজনীক নিজৰ পছন্দৰ বিষয়ে অৱগত কৰে। কিন্তু এই ক্ষেত্ৰত তেওঁ গ্ৰেপ্তাৰৰ পৰা হাত সাৰিব পাৰে।
অৱশ্যে অভিযুক্তক আদালতে সকীয়াই দিয়ে যে তেওঁ কেতিয়াও ছোৱালীজনীৰ পিছে পিছে যোৱা বা কোনো ধৰণে নিৰ্যাতন চলোৱাতো নিষেধাজ্ঞা আৰোপ কৰা হৈছে। পৰৱৰ্তী সময়ত যদি তেওঁ পুনৰ এনেধৰণৰ কাম কৰে তেন্তে আদালতৰ সুৰক্ষা আঁতৰাই দিয়া হʼব বুলিও আদালতে কয়। সেই ক্ষেত্ৰত আৰক্ষীয়ে তেওঁক গ্ৰেপ্তাৰ কৰিব পাৰে।
