বিশ্বজুৰি কোভিড সংক্ৰমণ (Covid Infection)ৰ গ্ৰাফ লাহে লাহে বাঢ়িছে (Increased)। উদ্বিগ্নতাও বাঢ়িছে। এনে পৰিস্থিতিত প্ৰশ্ন উত্থাপন হয় যে কোভিড ভেকচিন বুষ্টাৰ (Vaccine Booster)ৰ দ্বিতীয় ডোজ (2nd dose) লোৱাটো কিমান প্ৰয়োজনীয়। কোভিড ভেকচিন বুষ্টাৰৰ দ্বিতীয় ডোজ লোৱাৰ প্ৰয়োজন নাই বুলি মঙলবাৰে কেন্দ্ৰীয় চৰকাৰে প্ৰকাশ কৰে। কেন্দ্ৰীয় চৰকাৰৰ এক সূত্ৰই জনোৱা মতে, প্ৰথমে সমগ্ৰ দেশতে বুষ্টাৰ টীকাকৰণ সম্পূৰ্ণ কৰাটো গুৰুত্বপূৰ্ণ।
কেন্দ্ৰীয় স্বাস্থ্য মন্ত্ৰালয়ৰ (Union Ministry of Health) পৰিসংখ্যা অনুসৰি, মঙলবাৰে দেশত ১৩৪ জন লোক নতুনকৈ কোভিডত আক্ৰান্ত হয়। সোমবাৰৰ তুলনাত কমিছে সক্ৰিয় ৰোগীৰ সংখ্যা। মঙলবাৰে দেশত সক্ৰিয় ৰোগীৰ সংখ্যা ২৫৮২ লৈ বৃদ্ধি পায়।
যোৱা এদিনত দেশত ২২২ জন লোক কোভিডৰ পৰা আৰোগ্য লাভ কৰিছে। আশাৰ কথা যে যোৱা ২৪ ঘণ্টাত দেশত কোভিডত আক্ৰান্ত হৈ কোনো লোকৰ মৃত্যু হোৱা নাই। এই পৰ্যন্ত দেশত কোভিডত আক্ৰান্ত হৈ ৫ লাখ ৩০ হাজাৰ ৭০৭ জন লোকৰ মৃত্যু হৈছে।
এনে পৰিস্থিতিত কেন্দ্ৰীয় স্বাস্থ্যমন্ত্ৰী মানচুখ মাণ্ডবিয়াই (Health Minister Mansukh Mandbia) সোমবাৰে দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত উপস্থিত হৈ কোভিড টেষ্টিং বিষয়টোৰ তদন্ত কৰে। চীনত বৃদ্ধি পাইছে কোভিড সংক্ৰমণ। যাতে সেই দেশৰ পৰা ইয়ালৈ সংক্ৰমণ বিয়পি নাযায়, তাক লৈ সক্ৰিয় কেন্দ্ৰ।
ইয়াৰ পূৰ্বে কেন্দ্ৰই চীনকে ধৰি বিভিন্ন দেশৰ পৰা উভতি অহা যাত্ৰীৰ বাবে কঠোৰ নিয়ম জাৰি কৰিছিল। সোমবাৰে ৬খন দেশ স্পৰ্শ কৰা বিমানখনত ভাৰতলৈ অহাসকলৰ বাবেও কঠোৰ নিয়ম জাৰি কৰা হৈছে।
নতুন নিয়ম অনুসৰি সেই ৬ খন দেশৰ বিমানবন্দৰৰ জৰিয়তে ভাৰতলৈ অহা সকলো আন্তঃৰাষ্ট্ৰীয় যাত্ৰীয়ে বিমানত উঠাৰ আগতে Covid.72 ৰ বাবে RTPCR ৰিপৰ্ট জমা দিব লাগিব। প্ৰতিবেদন নেগেটিভ হʼব লাগিব। চীনৰ বাহিৰেও এই নিয়ম দক্ষিণ কোৰিয়া, থাইলেণ্ড, হংকং, জাপান, ছিংগাপুৰৰ ক্ষেত্ৰত জাৰি কৰা হৈছে।
