মাৰ্ঘেৰিটা বুঢ়ীদিহিং সমীপত আজি বিয়লি সংঘটিত হোৱা এক শোকাৱহ দুৰ্ঘটনাত এজন লোক থিতাতে নিহত হয় । খবৰনুসৰি, মাৰ্ঘেৰিটা ৩১৫নং ৰাষ্ট্ৰীয় ঘাইপথৰে এ আৰ ১২- ৯১৩৮ নম্বৰৰ বাইকখনে মাৰ্ঘেৰিটা পৰা ডিগবৈ অভিমুখে তীব্ৰ বেগেৰে একে দিশত গৈ থকা এ এছ ২৩ জি ১৫৮৫ নম্বৰ অ’ট খনৰ পৰা আগবাঢ়ি যাবলৈ চেষ্টা কৰাৰ সময়তে প্ৰচণ্ডযোৰে খুন্দা মাৰে। ফলত, অ’ট খনৰ চালক বিক্ৰম ভট্টাচাৰ্য থিতাতে নিহত হোৱাৰ বিপৰীতে বাইক আৰোহীজন আঘাত প্ৰাপ্ত হয়।
ঘটনাস্থলীত মাৰ্ঘেৰিটা আৰক্ষী উপস্থিত হৈ মৃতদেহ মৰণোত্তৰ পৰীক্ষাৰ বাবে প্ৰেৰণ কৰাৰ লগতে বাইক খনৰ চালকৰ চিকিৎসাৰ ব্যৱস্থা কৰিছে।
উল্লেখ্য যে, অট’চালক বিক্ৰম ভট্ৰাচাৰ্য অঞ্চলটোৰ এজন পুৰণি অ’ট চলক আছিল। মাৰ্ঘেৰিটা বুঢ়িদিহং অ’ট সন্থাই সমগ্ৰ ঘটনাত গভীৰ শোক প্ৰকাশ কৰিছে। মাৰ্ঘেৰিটা ভিনাৰমিল নিবাসী বিক্ৰম ভট্টাচাৰ্যয়ে কিছুদিন পূৰ্বে বিবাহপাশত আবদ্ধ হৈছিল।
